اسرائیلی فوج کا کہنا ہے کہ اس نے پہلا حملہ اس وقت کیا جب ایک گروپ دھماکہ خیز مواد لگانے کی کوشش کر رہا تھا۔اس حملے میں سات افراد ہلاک ہوئے۔

دوسرے حملہ رفاہ مہاجر کیمپ پر کیا جس میں کم از کم تین فلسطینی ہلاک اور بارہ زخمی ہوگۓ۔

اسرائیلی حملہ فلسطینی عسکریت پسندوں کے حملے کے ایک دن بعد ہوا جس میں ایک اسرائیلی بکتر بند گاڑی کو دھماکہ خیز مادہ سے اڑا دیا تھا جس میں پانچ اسرائیلی فوجی ہلاک ہو گۓ تھے۔

اسرائیلی فوج نےغزہ کے علاقہ میں کئ فلسطینی گھروں کو بھی مسمار کر دیا فوج کا کہنا ہے کہ اس نے ایسا بفر زون کو بڑا کرنے کے لیے کیا۔
دریں ِاثنا اسرائیلی فوج غزہ شہر میں فلسطینی عسکریت پسندوں کے خلاف دو روزہ کاروائی کے بعد شہر سے باہر نکل گئ ہے۔شواہد ہیں کہ اسرائیلی فوج عزہ سے فلسطینی عسکریت پسندوں کے ساتھ ایک معائدہ کے بعد شہر سے باہرنکلی ہے۔ اس معائدہ کے تحت ان فوجیوں کی لاشیں واپس کی گئ ہیں جو بدھ کو اس وقت ہلاک ہوئے جب ایک اسرائیلی بکتر بند گاڑی کو اڑا دیا گیا تھا۔
منگل کے روز سے اسرائیلی فوج کے عزہ شہر میں داخلے کے بعد چوبیس فلسطینی ہلاک اور ایک سو بیاسی زخمی ہوئے۔