ہیلز، بروک کی عمدہ بیٹنگ، انگلینڈ نے پاکستان کو پہلے ٹی ٹوئنٹی میں چھ وکٹوں سے شکست دے دی

لائیو کوریج

1. 20 ستمبر 2022یہ لائیو پیج اب مزید اپ ڈیٹ نہیں کیا جا رہا!

   پاکستان انگلینڈ میچ سے متعلق بی بی سی کی کوریج اختتام کو پہنچی۔ میچ سے متعلق تجزیوں اور تبصروں پر نظر رکھنے کے لیے ہمارے لائیو پیج پر آئیں۔

2. 20 ستمبر 2022بریکنگ, انگلینڈ کے لیوک وڈ پلیئر آف دی میچ قرار!

   انگلینڈ کے لیوک وڈ کو پلیئر آف دی میچ کا اعزاز دیا گیا ہے۔ انھوں نے اپنے چار اوورز میں تین وکٹیں حاصل کیں اور صرف 24 رنز دیے۔

   انھوں نے ایک ایسے وقت میں وکٹیں حاصل کیں جب بیچ کے اوورز میں پاکستان کو جارحانہ انداز اپنانے کی ضرورت تھی۔

3. 20 ستمبر 2022انگلینڈ کی پاکستان کے خلاف تاریخی فتوحات!

4. 20 ستمبر 2022بریکنگ, انگلینڈ نے پاکستان کو پہلے ٹی ٹوئنٹی میچ میں چھ وکٹوں سے شکست دے دی!

   ایلکس ہیلز کی نصف سنچری اور ہیری بروک کی عمدہ بیٹنگ کی بدولت انگلینڈ نے پاکستان کو چھ وکٹوں سے شکست دے کر سات میچوں کی سیریز میں ایک صفر کی برتری حاصل کر لی ہے۔

   پاکستانی بولنگ ایک چھوٹے ہدف کا دفاع کرتے ہوئے یکے بعد دیگرے وکٹیں لینے میں ناکام رہی۔

   پاکستانی بیٹنگ ایک اچھے آغاز کے باوجود اچھا ٹوٹل بنانے میں ناکام رہی اور اس میں انگلینڈ کے سپنرز کی اچھی بولنگ اور لیوک وڈ کا اہم کردار رہا۔

   پاکستان کی نیشنل سٹیڈیم کراچی میں کھیلے گئے اپنے آٹھویں ٹی ٹوئنٹی انٹرنیشنل میں یہ پہلی شکست ہے۔

5. 20 ستمبر 2022بریکنگ, ایلکس ہیلز نصف سنچری بنانے کے بعد آؤٹ لیکن انگلینڈ جیت کے قریب, انگلینڈ کا سکور 17 اوورز کے بعد 143/4

   انگلینڈ نے 17 اوورز کے بعد 143 رنز بنا لیے ہیں لیکن انگلینڈ جیت کے بہت قریب ہے۔ ہیری بروک اس وقت کریز پر موجود ہیں اور جارحانہ انداز اپنائے ہوئے ہیں۔

6. 20 ستمبر 2022نسیم شاہ کے اوور میں بھی تین چوکے، انگلینڈ جیت کے نزدیک, انگلینڈ کا سکور 16 اوورز کے بعد 136/3

   نسیم شاہ کے اوور میں تین چوکے لگے ہیں اور ایلکس ہیلز اور ہیری بروک کی عمدہ شراکت اب انگلینڈ کو جیت کے قریب پہنچا چکی ہے۔ انگلینڈ کو جیت کے لیے 24 گیندوں پر 23 رنز درکار ہیں۔

7. 20 ستمبر 2022دھانی کے مہنگے اوور کے باعث انگلینڈ کی میچ پر گرفت مضبوط, انگلینڈ کا سکور 15 اوورز کے اختتام پر 122/3

   شاہنواز دھانی کی جانب سے آغاز میں ایک وکٹ تو لی گئی تاہم انھوں نے اپنے تیسرے اوور میں تین چوکے لگوا کر انگلینڈ سے دباؤ ہٹا دیا ہے۔

   ان کے اوور میں 15 رنز بنے۔

8. 20 ستمبر 2022نواز کا ایک اور اچھا اوور، صرف پانچ رنز بنے!

   محمد نواز نے بھی اپنے چار اوورز میں اچھی بولنگ کا مظاہرہ کرتے ہوئے صرف 20 رنز دیے ہیں۔ انھوں نے آخری اوور میں صرف پانچ رنز دیے ہیں۔ تاہم انھوں نے آج کوئی وکٹ حاصل نہیں کی۔

9. 20 ستمبر 2022عثمان قادر کے چار اوورز میں 36 رنز اور دو وکٹیں

   عثمان قادر نے اپنے چار اوورز میں 36 رنز کے عوض دو وکٹیں حاصل کی ہیں۔

   اس وقت انگلینڈ کا سکور تین وکٹوں کے نقصان پر 102 ہے اور اسے جیت کے لیے 42 گیندوں پر 57 رنز درکار ہیں۔

10. 20 ستمبر 2022بریکنگ, عثمان قادر نے بین ڈکٹ کو ایل بی ڈبلیو کر دیا!, انگلینڈ کا سکور 11 اوورز کے بعد 87/3

    عثمان قادر نے بین ڈکٹ کو ایل بی ڈبلیو کر دیا ہے اور اس وقت انگلینڈ کے تین کھلاڑی پویلین لوٹ چکے ہیں۔

    یہ عثمان قادر کی میچ میں دوسری وکٹ ہے۔

11. 20 ستمبر 202210 اوورز کے بعد انگلینڈ کے دو وکٹوں کے نقصان پر 80 رنز

    انگلینڈ کے اوپنر ایلکس ہیلز اس وقت کریز پر موجود ہیں اور انھوں نے تین سال بعد واپسی پر 21 گیندوں پر 27 رنز بنائے ہیں۔

    پاکستانی بولرز کی جانب سے اب تک اچھی بولنگ کا مظاہرہ کیا گیا ہے لیکن پاکستان کو اس وقت وکٹوں کی اشد ضرورت ہے۔

    حارث رؤف نے اپنے دو اوورز میں صرف نو جبکہ عثمان قادر نے دو اوورز میں ایک وکٹ کے نقصان پر 19 رنز دیے ہیں۔

12. 20 ستمبر 2022بریکنگ, عثمان قادر کو چھکا لگانے کے بعد ملان ان ہی کو کیچ دی بیٹھے، پاکستان کو دوسری کامیابی, سات اوورز کے بعد انگلینڈ کا سکور 56/2

    عثمان قادر نے ملان سے چھکا کھانے کے بعد انھیں آؤٹ کر دیا ہے۔

13. 20 ستمبر 2022پاور پلے کے اختتام پر انگلینڈ کا سکور 46/1

    پاور پلے کے اختتام پر انگلینڈ نے صرف 46 رنز بنائے ہیں اور اس کا ایک کھلاڑی آؤٹ ہوا ہے۔

    انگلینڈ کی جانب سے اس وقت ملان اور ہیلز کریز پر موجود ہیں۔

14. 20 ستمبر 2022بریکنگ, فل سالٹ شاہنواز دھانی کی گیند پر آؤٹ، حیدر علی کا اچھا کیچ

    نسیم شاہ کے مہنگے اوور کے بعد پہلے نواز کے اوور میں صرف ایک رن بنا اور پھر شاہنواز دھانی نے فل سالٹ کو آؤٹ کیا ہے۔

    ان کا کیچ حیدر علی نے باؤنڈری پر لیا اور یوں پاکستان کو پہلی کامیابی مل گئی ہے۔

15. 20 ستمبر 2022نسیم شاہ کے پہلے اوور میں 14 رنز!

    نسیم شاہ کے پہلے اوورز میں دو چوکے لگے ہیں اور انھوں نے پانچ وائیڈز بھی کروائی ہیں۔

16. 20 ستمبر 2022پاکستان کی بیچ کے اوورز میں سست بیٹنگ

17. 20 ستمبر 2022بریکنگ, آخری 10 اوورز میں صرف 71 رنز، اچھے آغاز کے بعد پاکستان صرف 158 رنز بنا سکا

    پاکستان نے انگلینڈ کو پہلے ٹی ٹوئنٹی میچ میں 159 رنز کا ہدف دیا ہے۔

    پاکستان نے پہلے کھیلتے ہوئے مقررہ 20 اوورز میں سات وکٹوں کے نقصان پر 158 رنز بنائے ہیں۔

    انگلینڈ کی جانب سے لیوک وڈ نے تین جبکہ عادل رشید نے دو کھلاڑیوں کو آؤٹ کیا جبکہ پاکستان کی جانب سے محمد رضوان نے 68 رنز بنائے۔

18. 20 ستمبر 2022نسیم شاہ پہلی گیند پر آؤٹ!

19. 20 ستمبر 2022بریکنگ, افتخار 28 رنز بنا کر آؤٹ!

    محمد افتخار تین چھکوں کی مدد سے بنائے گئے 28 رنز پر آؤٹ ہو گئے ہیں۔

20. 20 ستمبر 2022افتخار کا اوور کے آغاز میں چھکا، پاکستان کے 150 رنز مکمل

    افتخار نے سیم کرن کے اوور کے آغاز میں چھکا تو مارا لیکن اوور میں پھر بھی صرف نو رنز بنے ہیں۔