آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ایشیا کپ کے دوسرے ٹی ٹوئنٹی میچ میں ہارڈک پانڈیا کی آل راؤنڈ کارکردگی کے باعث انڈیا نے پاکستان کو میچ کے آخری اوور میں پانچ وکٹوں سے شکست دے دی ہے۔ پاکستان کو سلو اوور ریٹ کے باعث ایک فلیڈر دائرے میں رکھنے کی سزا دی گئی، جس کا پاکستان کو بھاری نقصان اٹھانا پڑا۔
محمد صہیب
بی بی سی اردو کی ایشیا کپ میں پاکستان اور انڈیا کے میچ کی لائیو کوریج اپنے اختتام کو پہنچی۔ پاکستان کا اگلا میچ ہانگ کانگ کے ساتھ دو ستمبر بروز جمعہ کھیلا جائے۔
اس میچ پر تجزیے اور تبصرے پڑھنے کے لیے ہماری ویب سائٹ وزٹ کرتے رہیں۔
انڈیا کے آلراونڈر ہارڈک پانڈیا کو ان کی آلراؤنڈ کارکردگی پر میچ کے بہترین کھلاڑی کا ایوارڈ دیا گیا ہے۔
انھوں نے تین وکٹیں حاصل کرنے کے علاوہ صرف 17 گیندوں پر 33 رنز کی اننگز بھی کھیلی۔
ہارڈک پانڈیا کی تین وکٹوں اور صرف 17 گیندوں پر 33 رنز کی اننگز کے باعث انڈیا نے پاکستان کو پانچ وکٹوں سے شکست دے دی ہے۔
پاکستان کو سلو اوور ریٹ کے باعث ایک فلیڈر دائرے میں رکھنے کی سزا دی گئی، جس کا پاکستان کو بھاری نقصان اٹھانا پڑا۔
پاکستانی فاسٹ بولرز آخر میں ٹانگوں میں کریمپس کے باعث بھی اپنی بہترین کارکردگی نہیں دکھا سکے۔ اس میچ میں دونوں طرف کے بولرز نے بہترین کارکردگی کا مظاہرہ کیا اور بلے بازوں کے لیے پچ خاصی مشکل ثابت ہوئی۔
انڈیا کی جانب سے وراٹ کوہلی، اور جڈیجا کے 35، 35 رنز بنا کر انڈیا کی بیٹنگ کو سہارا دیے رکھا۔ پاکستان کی جانب سے نسیم شاہ دو جبکہ محمد نواز نے تین کھلاڑیوں کو آؤٹ کیا۔
آخری اوور کی پہلی گیند پر محمد نواز نے جڈیجا کو بولڈ کر دیا ہے۔
دوسری گیند پر صرف ایک رن بنا ہے، اور ہارڈک پانڈیا دوبارہ سٹرائیک پر آ گئے ہیں۔ تیسری گیند پر کوئی رن نہیں بنا۔
حارث رؤف کے آخری اوور ہارڈک پانڈیا نے تین چوکے لگا کر انڈیا کو تعاقب میں برتری دلوا دی اور اب انڈیا جیت سے صرف سات رنز دور ہے۔
پاکستان کو سلو اوور ریٹ پر مزید ایک فیلڈر دائرے میں رکھنے کی سزا دی گئی ہے۔ اس کی وجہ سے نسیم شاہ کو پہلے جڈیجا نے کور باؤنڈری کے پار چوکا مار دیا۔
تاہم پھر نسیم شاہ جنھیں ہیمسٹرنگ انجری ہے، انھوں نے اچھی بولنگ کا مظاہرہ تو کیا لیکن پانچویں گیند پر جڈیجا سے ہی چھکا کھا بیٹھے۔
پاکستان نے اب تک میچ میں آٹھ وائیڈز کروائی ہیں۔ دوسری جانب انڈیا کے بولرز نے چار وائیڈز کروائی ہیں۔
حارث رؤف نے اپنے تیسرے اوور میں یوں تو اچھی بولنگ کروائی لیکن دو وائیڈز بھی کراوئیں۔
شاہنواز دھانی نے اپنے چار اوورز میں 29 رنز دیے ہیں لیکن کوئی وکٹ حاصل نہیں کی۔
اس وقت انڈیا کو جیت کے لیے چار اوورز میں 41 رنز درکار ہیں۔
اس وقت کریز پر جڈیجا اور پانڈیا موجود ہیں۔
آج یوں لگ ہی نہیں رہا کہ نسیم شاہ ڈیبیو پر ہیں، انھوں نے اب تک صرف 16 رنز دے کر دو وکٹیں حاصل کی ہیں۔
سوریا کمار یادو نے 18 گیندوں پر 18 رنز بنائے، اور کراس کھیلتے ہوئے نسیم شاہ کی گیند پر آؤٹ ہو گئے۔
شاداب خان نے اپنے چار اوورز میں صرف 19 رنز دیے ہیں۔ انھوں نے کوئی وکٹ تو حاصل نہیں کی لیکن ایک اینڈ سے دباؤ بڑھائے رکھا۔
محمد نواز کے تیسرے اوور میں آٹھ رنز بنے ہیں، جس میں جڈیجا کی جانب سے انھیں ایک چوکا بھی لگایا گیا ہے۔
جہاں محمد نواز ایک اینڈ سے وکٹیں حاصل کر رہے ہیں، تو دوسری جانب شاداب خان دباؤ بڑھا رہے ہیں۔
انھوں نے اب تک تین اوورز میں 13 رنز دیے ہیں۔
محمد نواز اس وقت انڈیا کے ٹاپ آرڈر بلے بازوں کے لیے مشکل پیدا کر رہے ہیں۔ انھوں نے پہلے روہت شرما، اور اب وراٹ کوہلی کو پویلین کی راہ دکھا دی ہے۔
اس اوور میں انھیں رویندرا جڈیجا نے ایک چھکا بھی لگایا، جس کے باعث اوور میں نو رنز بنے۔
محمد نواز نے چھکا لگنے کے بعد انڈیا کے کپتان روہت شرما کو آوٹ کر دیا ہے۔ ان کا کیچ مڈ آف پر موجود افتخار احمد نے کیا۔
پہلے ٹاپ ایج لگنے کے بعد روہت شرما نے نواز کو مڈوکٹ کے اوپر سے چھکا لگایا ہے۔
شاداب خان نے اپنے پہلے اوور میں صرف تین رنز دیے ہیں۔ اس وقت روہت شرما دباؤ کا شکار لگ رہے ہیں، انھوں نے چھ گیندوں پر 15 رنز بنا رکھے ہیں۔
