کرکٹ کے ٹی 20 ورلڈ کپ کے 21ویں میچ میں نمیبیا کی دعوت پر پہلے بیٹنگ کرتے ہوئے سکاٹ لینڈ نے 110 رنز کا ہدف دیا جو نمیبیا نے 19ویں اوور میں حاصل کر لیا۔ اس سے قبل میچ میں انگلینڈ نے بنگلہ دیش کو آٹھ وکٹوں سے ہرا دیا تھا۔
،تصویر کا ذریعہGetty Images
آج کے پہلے مقابلے میں انگلینڈ نے بنگلہ دیش کو شکست دی جبکہ نمیبیا نے سکاٹ لینڈ کو ہرا کر ورلڈ ٹی ٹوئنٹی کے سپر 12 راؤنڈ کا بہترین آغاز کیا ہے۔
اسی کے ساتھ اب اس لائیو پیج کو مزید اپ ڈیٹ نہیں کیا جائے گا۔ مگر ورلڈ ٹی ٹوئنٹی پر بی بی سی اردو کی خصوصی کوریج جاری رہے گی!
ٹی ٹوئنٹی ورلڈ کپ کے بارے میں مزید جاننے کے لیے آپ ہمارے خصوصی صفحے کا رُخ کر سکتے ہیں۔
ورلڈ ٹی ٹوئنٹی میں کل یعنی 28 اکتوبر کو گروپ ون کا صرف ایک میچ آسٹریلیا مقابلہ سری لنکا کھیلا جائے گا۔
آج کے میچز میں انگلینڈ نے بنگلہ دیش کو آٹھ وکٹوں سے ہرایا جبکہ نمیبیا نے سکاٹ لینڈ کے خلاف چار وکٹوں سے فتح حاصل کی۔
اس جیت کے ساتھ گروپ ون میں انگلینڈ اور گروپ ٹو میں نمیبیا نے دو، دو پوائنٹ حاصل کیے ہیں۔
،تصویر کا ذریعہGetty Images
سکاٹ لینڈ کے کپتان برنگٹن کا کہنا ہے کہ ان کے لیے یہ دن مایوس کن رہا۔ ’ہم نے 20 سے 30 رنز کم بنائے اور ابتدائی اوورز (میں وکٹیں گِرنے) کے بعد ہمارے لیے واپسی مشکل تھی۔‘
’ہمارے پاس اب کچھ دن ہیں کہ ہم اس شکست کے بعد (ٹورنامنٹ میں) واپسی کے بارے میں سوچ سکیں۔۔۔ کوئٹز کی انجری کے بارے میں بھی ہمیں دیکھنا ہوگا۔‘
دوسری طرف فاتح ٹیم نمیبیا کے کپتان ایرازمس نے کہا کہ ’ورلڈ کپ میں ایک مزید کامیابی پر بہت خوشی ہوئی ہے۔۔۔ روبن نے اپنے لیے بلند معیار طے کیے ہیں۔ اس سے قبل انھوں نے اتنی اچھی بولنگ نہیں کی تھی۔ لیکن آج انھوں نے ابتدا میں ہی ہمیں اچھا آغاز دلایا۔‘
،تصویر کا ذریعہb
اس موقع پر ٹرمپلمین کا کہنا تھا کہ ان کی کارکردگی کے اچھے نتائج حاصل ہوئے ہیں۔
’میری قسمت اچھی تھی کہ سب میرے مطابق ہوا۔ یہ ٹیم کی جیت ہے اور ہمارے لیے اس کی بہت اہمیت ہے۔‘
،تصویر کا ذریعہGetty Images
،تصویر کا ذریعہGetty Images
نمیبیا کی دعوت پر پہلے بیٹنگ کرتے ہوئے سکاٹ لینڈ نے 110 رنز کا ہدف دیا گیا تھا جس کے جواب میں نمیبیا نے 19.1 اوورز میں 115/6 کا سکور بنایا۔
نمیبیا نے یہ میچ چار وکٹوں سے اپنے نام کیا۔ سمٹ نے 32 رنز کی ناقابل شکست باری کھیلی اور چھکا لگا کر اپنی ٹیم کو جیت سے ہمکنار کیا۔
نمیبیا کو اب جیت کے لیے صرف دو رنز درکار ہیں۔
اب تک اس میچ میں نمیبیا کا پلڑا بھاری رہا ہے لیکن سکاٹ لینڈ نے انھیں 18 اوورز میں صرف 103 رنز بنانے دیے ہیں اور ان کی پانچ وکٹیں حاصل کر لی ہیں۔
،تصویر کا ذریعہGetty Images
ویسے نے ایک بار پھر چھکا لگانے کی کوشش کی لیکن ایک ایج پر ان کا کیچ شارٹ تھرڈ مین نے پکڑا۔
لیسک کی دوسری گیند پر ویسے نے چھکا لگایا ہے۔
،تصویر کا ذریعہGetty Images
واٹ نے چار اوورز میں 22 رنز دیے اور ایک وکٹ حاصل کی۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
گریوز کی جانب سے فُل ٹاس کرانا مہنگا ثابت ہوا۔
