کرکٹ ورلڈ کپ کے ایجبسٹن کرکٹ گراؤنڈ میں ہونے والے ایک میچ میں انڈیا نے بنگلہ دیش کو 28 رنز سے ہرا دیا ہے۔ انڈیا نے پہلے کھیلتے ہوئے 314 رنز بنائے جس کے جواب میں بنگلہ دیش کی ٹیم 286 رنز بنا کر آؤٹ ہو گئی۔
انڈیا نے بنگلہ دیش کو 28 رنز سے ہرا کر سیمی فائنل کے لیے کوالیفائی کر لیا ہے۔ انڈیا کی جیت میں جسپریت بمرا نے چار وکٹیں حاصل کر کے اہم کردار ادا کیا ہے۔ بنگلہ دیش کی ہار کے ساتھ پاکستان کے سیمی فائنل کے لیے کوالیفائی کرنے کے امکانات برقرار ہیں۔
،تصویر کا ذریعہGetty Images
بنگلہ دیش کے بیٹسمین مشکل حالات میں بھی میچ جیتنے کی کوشش کر رہے ہیں۔ سیف الدین 40 رنز بنا کر کریز پر موجود ہیں۔
بنگلہ دیش کے کپتان مشرفی مرتضی پانچ گیندوں پر آٹھ رنز بنا کر آؤٹ ہو گئے۔ بنگلہ دیش کو میچ جیتنے کے لیے 34 گیندوں پر 58 رنز کی ضرورت ہے اور اس کی صرف دو وکٹیں باقی ہیں۔
بنگلہ دیشں نے44 اووروں میں سات وکٹوں کے نقصان پر 251 رنز بنائے ہیں۔ اسے میچ جیتنے کے لیے 36 گیندوں پر 65 رنز بنانے ہیں۔
بنگلہ دیش نے 43 اووروں میں سات وکٹوں کے نقصان پر 245 رنز بنائے ہیں۔ بنگلہ دیش کو میچ جیتنے کے لیے 41 گیندوں پر مزید ستر رنز درکار ہیں اور اس کی صرف تین وکٹیں باقی ہیں۔
بنگلہ دیش کے بیٹسمینوں نے محمد شامی کو نشانے پر رکھ لیا ہے اور پچھلے دو اووروں میں اس کی گیندوں پر چھ چوکے لگائے ہیں۔ بنگلہ دیش کو میچ جیتنے کے لیے 48 گیندوں پر75 رنز درکار ہیں۔
،تصویر کا ذریعہGetty Images
بنگلہ دیش کو میچ جیتنے کے لیے آخری دس اووروں میں 90 رنز درکار ہیں۔ بنگلہ دیش کے چھ کھلاڑی آؤٹ ہو چکے ہیں۔ شبیر رحمان 30 اور سیف الدین 19 رنز بنا کر کریز پر موجود ہیں۔
بنگلہ دیش کے بیٹسمین انڈین بولروں پر حملہ آور ہو گئے ہیں۔ تیرہ گیندوں پر بنگلہ دیش کے بیٹسمینوں نے 32 رنز بنا ڈالے ہیں۔ شبیر رحمن اور سیف الدین جارحانہ بیٹنگ کر رہے ہیں۔
،تصویر کا ذریعہGetty Images
بنگلہ دیشی بلے بازوں نے محمد شامی کے ایک اوور میں چار چوکوں کی مدد سے سترہ رنز سکور کیے ہیں۔ بنگلہ دیش کو میچ جیتنے کے لیے 67 گیندوں پر مزید 100 رنز درکار ہیں۔
بنگلہ دیش کی آخری امید شکیب الحسن 66 رنز بنا کر آؤٹ ہو گئے ہیں۔ بنگلہ دیش نے 34 اووروں میں چھ وکٹوں کے نقصان پر 179 رنز بنائے ہیں۔
،تصویر کا ذریعہGetty Images
بنگلہ دیش نے 32 اووروں میں 173رنز بنائے ہیں اور اس کی پانچ وکٹیں گر چکی ہیں۔ تجربہ کار کھلاڑی شکیب الحسن 65 رنز بنا کریز پر موجود ہیں۔ بنگلہ دیش کو میچ جیتنے کے 106 گیندوں پر 142 رنز درکار ہیں۔
بنگلہ دیش نے 29 اووروں میں چار وکٹوں کے نقصان پر 162 رنزبنائے ہیں۔ بنگلہ دیش کو میچ جیتنے کے لیے مزید 153 کی ضرورت ہے۔ بنگلہ دیش کی ساری امیدیں شکیب الحسن سے وابستہ ہو گئی ہیں جو نصف سنچری سکور کر کے کھیل رہے ہیں۔
،تصویر کا ذریعہGetty Images
بنگلہ دیش نے اٹھائیس اووروں میں تین وکٹوں کے نقصان پر150 رنز بنائے ہیں۔ شکیب الحسن نصف سنچری بنا کر کھیل رہے ہیں۔ لٹن داس نے 15 رنز بنا رکھے ہیں۔
،تصویر کا ذریعہGetty Images
بنگلہ دیش نے 26 اوووں کے اختتام پر تین وکٹوں کے نقصان پر 133 رنز بنائے ہیں۔ شکیب الحسن 43 رنز بنا کر کھیل رہے ہیں۔ لٹن داس 7 رنز بنا کر کھیل رہے ہیں۔ بنگلہ دیش کو میچ جیتنےکے لیے ساڑھے سات رنز کی اوسط سے مزید 178 رنز درکار ہیں۔
بنگلہ دیشں نے 314 رنز کے ہدف کے تعاقب میں تیسری وکٹ گنوا دی ہے۔ آؤٹ ہونے کھلاڑی مشفیق الرحمن تھے جو چاہل کی گیند پر سویپ کھیلتے ہوئے کیچ آؤٹ ہو گئے۔ شکیب الحسن کا ساتھ دینے کے لیے لٹن داس میدان میں اترے ہیں۔
،تصویر کا ذریعہGetty Images
