ویسٹ انڈیز کی پاکستان پر سات وکٹوں سے فتح

12ویں کرکٹ ورلڈ کپ میں جمعے کو ناٹنگھم میں کھیلے جانے والے میچ میں ویسٹ انڈیز نے پاکستان کو بظاہر ایک یکطرفہ مقابلے کے بعد سات وکٹوں سے شکست دے دی ہے۔

لائیو کوریج

ذیشان حیدر، عابد حسین، دانش حسین

31 مئ 2019ورلڈ کپ میں پاکستان کا مایوس کن آغاز، مگر عامر کی واپسی ایک نیک شگون
،تصویر کا ذریعہg
پاکستان نے 1992، 2007 اور 2015 کے ورلڈ کپ کی طرح یہ ٹورنامنٹ بھی ویسٹ انڈیز سے شکست کے ساتھ شروع کیا ہے۔پاکستان کی بیٹنگ جو کہ اس بار ٹورنامنٹ سے پہلے کافی فارم میں تھی، ویسٹ انڈیز کی فاسٹ بولرز کی شارٹ پچ گیندوں کی حکمت عملی کا قطعی سامنا نہ کر سکی اور پوری ٹیم صرف 22 اوورز میں 105 رنز بنا کر آؤٹ ہو گئی۔ پاکستانی ٹیم کے لیے صرف امید کی کرن محمد عامر کی بولنگ تھی جنھوں نے قلیل سکور کا اچھا دفاع کرنے کی کوشش کی اور تین وکٹیں لینے میں کامیاب ہوئے۔ اب پاکستان کا اگلا میچ اسی میدان میں تین جون کو میزبان انگلینڈ کے خلاف ہوگا۔ یہ وہی میدان ہے جہاں انگلینڈ نے چند ہفتے قبل پاکستان کے خلاف 340 رنز کا ہدف باآسانی پورا کر لیا تھا۔ کیا ورلڈ کپ میں پاکستان کی ٹیم بہتر مزاحمت پیش کر سکے گی، تین جون کو اس کا جواب ملے گا۔
یہ صفحہ اب مزید اپ ڈیٹ نہیں کیا جا رہا۔ بی بی سی اردو کی ورلڈ کپ 2019 کی تفصیلی کوریج کے لیے کلک کریں۔
31 مئ 201936 اوورز میں میچ تمام!, ویسٹ انڈیز نے 14ویں اوور میں 105 رنز کا ہدف سات وکٹوں کے نقصان پر پورا کر لیا
ویسٹ انڈیز نے ٹرینٹ برج کے میدان پر پاکستان کو سات وکٹوں سے ہرا کر ورلڈ کپ کا شاندار آغاز کیا ہے۔ ویسٹ انڈیز کی جانب سے اوشین تھامس کو انتہائی زبردست بولنگ کرنے کے نتیجے میں میچ کے بہترین کھلاڑی کا اعزاز دیا گیا ہے جنھوں نے چار وکٹیں حاصل کی۔ ویسٹ انڈیز کا اگلا میچ چھ جون کو ٹرینٹ برج کے ہی میدان میں آسٹریلیا کے خلاف ہوگا۔
،تصویر کا ذریعہGetty Images
،تصویر کا ذریعہGetty Images
31 مئ 2019پاکستان کا بولنگ کارڈ
محمد عامر: چھ اوورز، 27 رنز کے عوض تین وکٹیں
حسن علی: چار اوورز، 39 رنز کے عوض کوئی وکٹ حاصل نہیں کی
وہاب ریاض: 3.3 اوورز، 34 رنز کے عوض کوئی وکٹ حاصل نہیں کی
،تصویر کا ذریعہGetty Images
31 مئ 2019بریکنگ, ویسٹ انڈیز کی سات وکٹوں سے جیت!, صرف 14 اوورز میں تین وکٹوں کے نقصان پر 105 کا ہدف پورا کر لیا
نکولس پورن نے آتے کے ساتھ ہی دھواں دھار بیٹنگ کا مظاہرہ کیا اور 19 گیندوں پر چار چوکوں اور دو چھکوں کی مدد سے 34 رنز بنائے۔ وہاب ریاض کو چھکا مار کر انھوں نے اپنی ٹیم کو جیت سے ہمکنار کرا دیا۔
،تصویر کا ذریعہGetty Images
31 مئ 2019فتح صرف 10 رنز دور!, ویسٹ انڈیز 96/3
13ویں اوور میں حسن علی کو واپس لایا گیا جنھوں نے اس بار قدرے بہتر بولنگ کی اور اوور میں پانچ رنز دیے۔
31 مئ 2019وہاب کی گیند پر کیچ ڈراپ، اور پھر چھکا!
وہاب ریاض نے 12واں اوور شروع کیا تو نئے آنے والے شمرون ہیٹمئیر کا کیچ امام الحق نے ڈراپ کر دیا جس کے بعد نکولس پورن نے اگلی دو گیندوں پر چوکا اور چھکا لگا کر ان کے زخموں پر مزید نمک چھڑکا۔
31 مئ 2019جیت کے لیے 29 رنز درکار, ویسٹ انڈیز 77/3، 11 اوورز کا کھیل مکمل
محمد عامر نے اب تک شاندار بولنگ کرتے ہوئے چھ اوورز میں 26 رنز کے عوض تین وکٹیں حاص کر لی ہیں۔
یہ جون 2017 میں چیمپئینز ٹرافی کے فائنل کے بعد پہلاموقع ہے جب محمد عامر نے کسی ایک روزہ میچ میں ایک سے زیادہ وکٹ لی ہو۔
،تصویر کا ذریعہGetty Images
31 مئ 2019بریکنگ, محمد عامر کی تیسری وکٹ, کرس گیل ففٹی کے بعد آؤٹ
کرس گیل 34 گیندوں پر 50 رنز بنا کر محمد عامر کی گیند پر شاداب خان کے ہاتھوں کیچ آؤٹ ہوئے۔ محمد عامر چھ اوورز میں تین وکٹیں لے چکے ہیں۔ اپنے چھ اوورز میں انھوں نے 4.50 رنز فی اوور کی اوسط سے 27 رنز دیے ہیں۔
،تصویر کا ذریعہGetty Images
31 مئ 2019بریکنگ, کرس گیل کی نصف سنچری مکمل
11ویں اوور میں کرس گیل نے صرف 33 گیندوں پر اپنی نصف سنچری مکمل کر لی جس میں انھوں نے چھ چوکے اور تین چھکے لگائے ہیں۔
،تصویر کا ذریعہGetty Images
31 مئ 2019وہاب کا میڈن کے بعد مہنگا اوور, دس اوورز میں 71/2
وہاب ریاض نے اپنا پہلا اوور تو میڈن کرا لیا لیکن کرس گیل نے ان کے دوسرے اوور کی پہلی تین بالوں پر چھ، چار، چار سے اوور شروع کیا لیکن اسی اثنا میں ان کی کمر میں تکلیف ہوگئی۔
،تصویر کا ذریعہGetty Images
31 مئ 2019کرس گیل کا تیسرا چھکا!, 49 رنز، ناٹ آؤٹ
گیل نصف سنچری سے صرف ایک رن کی دوری پر ہیں
،تصویر کا ذریعہGetty Images
31 مئ 2019وہاب کا کرس گیل کو میڈن اوور!, آٹھ اوورز کے بعد ویسٹ انڈیز کا سکور 58/2
31 مئ 2019بریکنگ, حسن علی کی جگہ وہاب ریاض کی آمد
حسن علی کے تین مہنگے اوورز کے بعد کپتان سرفراز نے وہاب ریاض کو بولنگ کے لیے لایا ہے۔ وہاب ریاض ورلڈ کپ میں پاکستان کے اصل سکواڈ میں نہیں تھے لیکن انھیں آخری وقتوں میں ٹیم میں شامل کیا گیا۔
31 مئ 2019ویسٹ انڈیز جیت سے 58 رنز دور, سات اوورز کا کھیل مکمل
ویسٹ انڈیز کی ٹیم اپنے ہدف کا تقریباً نصف سکور کرنے میں کامیاب ہو گئی ہے اور اس کی صرف دو وکٹیں گری ہیں۔
اس وقت کریز پر کرس گیل 33 رنز اور نکولس پورن ایک رن پر کھیل رہے ہیں۔
31 مئ 2019عامر کی دو وکٹیں، براوو بھی آؤٹ!, چار اوورز، 13 رنز کے عوض دو وکٹیں
محمد عامر کے ہاتھوں آؤٹ ہونے والے دوسرے بلے باز ڈیرن براوؤ تھے جو وکٹ کے پیچھے دوسری سلپ میں بابر اعظم کے ہاتھوں کیچ آؤٹ ہوئے
،تصویر کا ذریعہGetty Images
31 مئ 2019’یہ میچ کراچی میں کھیلا جا رہا ہے‘
ٹرینٹ برج میں موجود بی بی سی کے نمائندے میتھیو ہینری کا کہنا ہے کہ پاکستان شاید یہ میچ ہار جائے گا لیکن انھیں پھر بھی زبردست سپورٹ حاصل ہے۔ شائقین کرکٹ محمد عامر کے لیے نعرے لگا رہے ہیں۔ یہ کہنا غلط نہ ہو گا کہ ایسا لگ رہا ہے جیسے یہ میچ کراچی میں کھیلا جا رہا ہے۔
31 مئ 2019یہ خاص پاکستانی کارکردگی ہے
انگلینڈ کے سابق کپتان مائیکل وان نے ٹوئٹر پر کہا ہے کہ ’یہ خاص پاکستانی کارکردگی ہے۔ اب کوئی شک نہیں کہ پاکستان ورلڈ کپ جیتے گا۔‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 مئ 2019بریکنگ, ویسٹ انڈیز 38/1، پانچ اوورز
پاکستان کو 36 رنز کے بعد پہلی کامیابی مل گئی ہے۔ آؤٹ ہونے والے بلے باز شائے ہوپ تھے جنھیں محمد عامر کی گیند پر محمد حفیظ نے کیچ کیا۔ یہ ورلڈ کپ مقابلوں میں محمد عامر کی پہلی وکٹ ہے۔اس وقت کرس گیل کریز پر موجود ہیں اور ان کے ساتھ نئے آنے والے ڈیرن براوو ہیں۔
،تصویر کا ذریعہGetty Images
31 مئ 2019ویسٹ انڈیز 32/0، چار اوورز مکمل, حسن علی کا مہنگا اوور، 16 رنز دیے
حسن علی نے اپنے دوسرے اوور میں 16 رنز دیے ہیں جن میں کرس گیل کی جانب سے لگائے گئے دو شاندار چھکے بھی شامل ہیں
31 مئ 2019محمد عامر کا پہلا ورلڈ کپ
فاسٹ بولر محمد عامر کی ورلڈ کپ کے لیے پاکستانی ٹیم میں واپسی ہوئی ہے۔ یہ ان کے کریئر کا پہلا ورلڈ کپ ہے۔ سپاٹ فکسنگ کے جرم میں سزا کی وجہ سے وہ 2011 اور2015 کے ورلڈ کپ نہیں کھیل سکے تھے