اسٹیبلشمنٹ نے عدم اعتماد، استعفیٰ یا پھر قبل از وقت انتخابات کے آپشنز دیے: عمران خان

لائیو کوریج

1. 21 اپريل 2023ازخود نوٹس پر پارلیمانی بل قانون بن گیا، عمل درآمد میں عدالتی حکم حائل

   پاکستان کی قومی اسمبلی کے مطابق سپریم کورٹ پریکٹس اینڈ پروسیجر بل، جس کے تحت عدالت عظمی میں ازخود نوٹس لینے اور بینچ کی تشکیل کا اختیار چیف جسٹس کے بجائے ایک کمیٹی کے حوالے کیا جانا ہے، قانون کی شکل اختیار کر چکا ہے۔

   واضح رہے کہ سپریم کورٹ اس قانون کے خلاف عبوری حکم کے تحت عمل درآمد سے روک چکی ہے۔

   عدالتی اصلاحات کے تحت بنائے جانے والے اس قانون پر صدر مملکت عارف علوی نے دستخط کرنے سے انکار کر دیا تھا جس کے بعد معینہ مدت پوری ہونے پر یہ بل آئین کے تحت قانون کی شکل اختیار کر گیا اور قومی اسمبلی سیکرٹریٹ نے پرنٹنگ کارپوریشن کو گزٹ نوٹیفکیشن کا حکم دیا۔

   پاکستان کی قومی اسمبلی کے بعد پارلیمان کے ایوان بالا (سینیٹ) نے عدالتی اصلاحات سے متعلقہ 'سپریم کورٹ پریکٹس اینڈ پروسیجر بل 2023' تیس مارچ کو منظور کر لیا تھا تاہم 13 اپریل کو سپریم کورٹ نے اس کے خلاف عبوری حکم جاری کیا جس میں اس پر عملدرآمد تاحکم ثانی روک دیا گیا۔

   سپریم کورٹ پریکٹس اینڈ پروسیجر نامی قانون کے تحت از خود نوٹس اور بینچوں کی تشکیل کا فیصلہ ایک کمیٹی کو سونپا گیا، جس میں چیف جسٹس اور دو سینیئر ترین جج شامل ہوں گے۔

   پی ٹی آئی کی جانب سے اس بل کی منظوری کی ٹائمنگ پر سوالات اٹھائے گئے تاہم حکومت کا دعویٰ ہے کہ اس بل کا مقصد چیف جسٹس کے اختیارات کو محدود کرنا نہیں بلکہ اس حوالے سے مراحل کا تعین کرنا ہے۔

2. 21 اپريل 2022حمزہ شہباز کا حلف: لاہور ہائی کورٹ نے ایڈوکیٹ جنرل پنجاب کو نوٹس جاری کر دیا

   

   ،تصویر کا ذریعہAFP

   لاہور ہائی کورٹ نے پنجاب کے نو منتخب وزیر اعلی حمزہ شہباز کی درخواست پر پر ایڈوکیٹ جنرل پنجاب کو نوٹس جاری کر دیا۔

   واضح رہے کہ پنجاب میں قائد ایوان کے انتخاب کے بعد گورنر پنجاب عمر سرفراز چیمہ نے حمزہ شہباز سے حلف لینے سے انکار کر دیا تھا جس کے بعد ن لیگ نے عدالت سے رجوع کیا۔

   کیس کی سماعت کے دوران حمزہ شہباز کے وکیل نے چیف جسٹس لاہور ہائی کورٹ امیر بھٹی کے سامنے دلائل دیتے ہوئے کہا کہ گورنر پنجاب اپنی آئینی ذمہ داریاں پوری نہیں کر رہے۔

   ان کا موقف تھا کہ قانون کے مطابق وزیر اعلی کے انتخاب کا مرحلہ مکمل ہو چکا ہے اور ڈپٹی سپیکر پنجاب اسمبلی نتائج گورنر ہاوس بھجوا چکے ہیں۔

   حمزہ شہباز کے وکیل نے کہا کہ عدالتی حکم کی حکم عدولی کی گئی اور گورنر پنجاب آئین اور قانون کی خلاف ورزی کر رہے ہیں۔

   لاہور ہائیکورٹ نے حمزہ شہباز کی درخواست پر ایڈوکیٹ جنرل پنجاب کو نوٹس جاری کر دیے اور چیف جسٹس نے ریمارکس دیے کہ ایڈوکیٹ جنرل پنجاب گورنر پنجاب سے ہدایات لیکر پیش ہوں اور عدالت کی معاونت کریں۔

   سماعت کے دوران احسن بھون ایڈوکیٹ نے استدعا کی کہ عالت کیس کو ایک بجے سماعت کے لیے مقرر کر دے۔ انھوں نے کہا کہ ایڈیشنل ایڈووکیٹ جنرل پنجاب یہاں موجود ہیں، آپ آج ہی کیس سن لیں۔

   اس پر چیف جسٹس لاہور ہائی کورٹ نے ریمارکس دیے کہ عدالتی سسٹم کو چلنے دیں، کل آ جائیں۔ کیس کی سماعت 22 اپریل یعنی جمعے کے دن تک ملتوی کر دی گئی۔

   اس سے قبل لاہور ہائی کورٹ نے وزیر اعلی عثمان بزدار کو عہدے پر بحال کرنے کی درخواست پر سماعت کرتے ہوئے درخواست گزار پر برہمی کا اظہار کیا۔

   چیف جسٹس لاہور ہائی کورٹ نے درخواست گزار وکیل سے مخاطب ہوتے ہوئے کہا کہ آپ متاثرہ فریق نہیں تو پھر کیوں درخواست دائر کی۔ جس پر درخواست گزار وکیل نے جواب دیا کہ میں نے بطور قانون کے طالب علم درخواست دائر کی۔

   چیف جسٹس نے ریمارکس دیے کہ جب متاثرہ فریق مطمئن ہے، تو آپ نے درخواست کیوں دائر کی۔ آپ لوگوں نے عدالتوں کو مذاق بنایا ہوا ہے۔ کیا ذرا سا صبر نہیں ہے، کیا یہ جمہوریت ہوتی ہے۔ عدالت نے درخواست واپس لینے کی بنیاد پر نمٹا دی۔

3. 17 اپريل 2022مبینہ دھمکی آمیز مراسلے سے بات فوج مخالف ٹرینڈز تک کیسے پہنچی؟

4. 17 اپريل 2022مراسلے پر جوڈیشل کمیشن بیٹھے، پھر فیصلہ کریں یہ ٹھیک ہے یا نہیں، عمران خان

   تحریک انصاف چیئرمین عمران خان نے کراچی میں جلسے سے خطاب میں کہا کہ ’پہلے تحقیقات کر لیں، ہم نے کہا کہ جو مراسلہ ہے اس پر جوڈیشل کمیشن بیٹھے، اس کے بعد فیصلہ کریں یہ ٹھیک ہے یا نہیں۔‘

   عمران خان کا کہنا تھا کہ ’جب ہم نے اسمبلی کو کہا کہ کمیٹی میں آ کر دیکھیں، تو ایم این ایز تو آ کر دیکھتے لیکن یہ نہیں آئے۔‘

   انھوں نے اپیل کی کہ ’سارے پاکستانی نکلیں اور کہیں کہ ہمیں الیکشن چاہیے۔‘

   عمران خان نے الزام لگایا کہ ’یہ فارن فنڈنگ کیس سے کوشش کریں گے تحریک انصاف میچ سے باہر ہو جائے۔ میں چاہتا ہوں، کہ ن لیگ، پیپلز پارٹی، تحریک انصاف کی فنڈنگ کا کیس اکھٹا سنا جائے۔ میں دعوی کرتا ہوں کہ صرف ایک پارٹی کی سیاسی فنڈ ریزنگ ہے پاکستان کی تاریخ میں جس کا نام تحریک انصاف ہے۔‘

   ان کا کہنا تھا کہ ’ہم مضبوط ادارے چاہتے ہیں۔ میرا پیغام ہے ہم نے ٹکراو کی سیاست نہیں کرنی، ہم نے پرامن رہنا ہے۔‘

5. 16 اپريل 2022عدلیہ، نیب اب کیا کریں گے؟ عمران خان

   کراچی میں جلسے سے خطاب کرتے ہوئے تحریک انصاف چیئرمین عمران خان نے کہا کہ اب پاکستان میں انصاف کے نظام کا ٹرائل ہے۔

   ’عدلیہ، نیب سب سے پوچھتا ہوں کہ اب آپ کیا کریں گے جب یہ اپنے کیسز معاف کروائیں گے۔‘

6. 3 اپريل 2022پنجاب کی وزارتِ اعلٰی پرویز الٰہی کی جھولی میں جائے گی یا حمزہ شہباز لے اڑیں گے؟

7. 2 اپريل 2022یہ صفحہ اب مزید اپ ڈیٹ نہیں کیا جا رہا

   وزیراعظم عمران خان کے خلاف تحریکِ عدم اعتماد اور پاکستان میں جاری سیاسی تبدیلیوں کے حوالے سے بی بی سی کی یہ لائیو کوریج اپنے اختتام کو پہنچی۔

   اس بارے میں مزید خبروں اور معلومات کے لیے کلک کریں۔

8. 2 اپريل 2022پہلے بھی دل جیتے آئندہ بھی جیتیں گے: پرویز الٰہی

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

9. 2 اپريل 2022تحریکِ انصاف اور مسلم لیگ ق کا مشترکہ پارلیمانی اجلاس

   پنجاب کے نئے وزیراعلیٰ کے الیکشن سے ایک دن قبل لاہور میں تحریک انصاف اور پاکستان مسلم لیگ ق کی صوبائی پارلیمانی پارٹی کا مشترکہ اجلاس منعقد ہوا ہے جس میں سابق وزیر اعلی پنجاب سردار عثمان بزدار، سپیکر پنجاب اسمبلی اور نامزد وزیراعلیٰ چوہدری پرویز الٰہی کے علاوہ وفاقی وزیر شفقت محمود اور ارکانِ پنجاب اسمبلی شریک ہوئے۔

   اس اجلاس میں چھینہ گروپ کے ارکان بھی شریک ہوئے اور انھوں نے اس الیکشن میں پرویز الٰہی کی حمایت کا اعلان کیا ہے۔

   اس موقع پر پرویز الٰہی کا کہنا تھا کہ انھیں جس عہدے کے لیے نامزد کیا گیا ہے اسے پوری خلوص نیت کے ساتھ نبھانے کی کوشش کریں گا اور سب کو ساتھ لے کر چلیں گے۔

   مستعفی ہونے والے وزیراعلیٰ عثمان بزدار کا کہنا تھا کہ انھیں امید ہے کہ پرویز الٰہی ان سے بہتر پنجاب کی خدمت کریں گے۔ ان کا یہ بھی کہنا تھا کہ ان کا ضمیر مطمئن ہے اور ان کے خلاف کرپشن کا ایک بھی سیکنڈل نہیں

10. 2 اپريل 2022بلاول اور شہباز کی ملاقات، پنجاب کی سیاسی صورتحال ہر بات

    پی پی پی کے چیٸرمین بلاول بھٹو زرداری اور مسلم لیگ ن کے صدر میاں شہباز شریف نے جمعے کی شب ملاقات کی ہے جس میں دونوں رہنماٶں نے مجموعی سیاسی صورتحال پر تبادلہ خیال کیا۔

    دونوں رہنماٶں نے متحدہ اپوزیشن کو اسلام آباد کے ساتھ ساتھ پنجاب میں بھی مل جل کر کامیاب کرانے کے عزم کا اظہارکیا ہے۔

11. 2 اپريل 2022تحریکِ انصاف عدم اعتماد کے موقع پر ریڈ زون میں حامی جمع کرنے سے گریز کرے: سعد رفیق

    مسلم لیگ ن کے رہنماؤں نے تحریکِ انصاف کی حکومت کو متنبہ کیا ہے کہ وہ اتوار کو قومی اسمبلی میں تحریکِ عدم اعتماد پر ووٹنگ کے عمل کے دوران اسمبلی کے قریب ریڈ زون میں اپنے حامیوں کو جمع ہونے سے روکے۔

    سعد رفیق نے جمعے کی شب صحافیوں سے بات کرتے ہوئے کہا کہ سپریم کورٹ نے واضح ہدایت دی ہے کہ عدم اعتماد پر ووٹنگ کے عمل میں کوئی رکاوٹ نہ ڈالی جائے اور اٹارنی جنرل نے اس سلسلے میں عدالت کو یقین دہانی کروائی تھی کہ ایسا ہی ہو گا تاہم اب تحریکِ انصاف کے رہنما اپنے حامیوں کو اتوار کو پارلیمان کے باہر جمع ہونے کے لیے کہہ رہے ہیں۔

12. 2 اپريل 2022حمزہ شہباز کی سربراہی میں مسلم لیگ ن کی پارلیمانی پارٹی کا اجلاس

    پنجاب میں نئے وزیراعلیٰ کے انتخاب میں 24 گھنٹے سے بھی کم وقت رہ گیا ہے اور لاہور ایک مرتبہ پھر سیاسی سرگرمیوں کا مرکز بن گیا ہے

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

13. 1 اپريل 2022پنجاب کی وزارت اعلیٰ کے لیے اپوزیشن کے امیدوار حمزہ شہباز ہوں گے: ن لیگی رہنما

    

    ،تصویر کا ذریعہGetty Images

    ن لیگی رہنما نے خواجہ عمران نذیر ماڈل ٹاؤن میں میڈیا سے گفتگو میں کہا ہے کہ پنجاب کی وزارت اعلیٰ کے لیے اپوزیشن جماعتوں کے امیدوار حمزہ شہباز ہوں گے۔

    خواجہ عمران نذیر جمعے کی شام لاہور کے علاقے ماڈل ٹاؤن میں رانا مشہود کے ہمراہ میڈیا سے گفتگو کر رہے تھے۔

    انھوں نے اس امید کا اظہار کیا کہ وزیر اعلی پنجاب حمزہ شہباز ہوں گے۔

    فلور کراسنگ سے متعلق بات کرتے ہوئے انھوں نے کہا کہ ’فلور کراسنگ والی کوئی بات نہیں ہے، لوگوں نے اپنے حلقوں میں بھی واپس جانا ہے۔‘

14. 1 اپريل 2022خیبر پختونخوا: بلدیاتی انتخابات میں پی ٹی آئی کی زبردست کامیابی

15. 1 اپريل 2022عمران خان نے ساڑھے تین سال میں کیا تبدیل کیا؟

16. 1 اپريل 2022عمران خان: اکثریت نہ ہو تو بلیک میل ہونا پڑتا ہے، سمجھوتہ کرنا پڑتا ہے

    وزیرِ اعظم عمران خان نے کہا کہ جب تک ایک شخص کو بھاری اکثریت نہیں ملتی، تب تک اس سسٹم کے اندر کبھی کہیں سے سمجھوتہ کرنا پڑتا ہے اور کبھی کہیں سے بلیک میل ہوتے ہیں۔

    عمران خان نے کہا کہ اُنھوں نے بڑی مشکل سے ساڑھے تین برس تک ملک چلایا ہے۔

    اُنھوں نے کہا کہ جب دوبارہ انتخابات ہوں گے تو وہ عوام کے پاس جائیں گے اور کہیں گے کہ اُنھیں اکثریت دی جائے۔

17. 1 اپريل 2022جنرل فیض کی تقرری پر تنازعہ کیوں ہوا؟

    

    ،تصویر کا ذریعہPrime Minister's Office

    اینکر پرسن ارشد شریف نے جب اُن سے نومبر دسمبر 2021 میں آئی ایس آئی کے سربراہ کی تعیناتی پر ہونے والے تنازعے کے حوالے سے سوال پوچھا گیا تو اُنھوں نے اس حوالے سے کھل کر بات کی۔

    اُنھوں نے کہا کہ ’میں نے جنرل فیض کے ساتھ کئی سال کام کیا۔ میں یہ کہہ رہا تھا کہ سردیوں کا وقت ہمارے ملک کے لیے مشکل ہے۔ ایک ملک کی معیشت کو یقینی کیفیت چاہیے ہوتی ہے، میں کہہ رہا تھا کہ اس لیے ہمیں انھیں رکھنا چاہیے۔ ڈر افغانستان میں خانہ جنگی کا بھی تھا۔‘

    عمران خان نے کہا کہ ’اس لیے کہہ رہا تھا کہ سکیورٹی کے حوالے سے تجربہ کار شخص کو (آئی ایس آئی) کا سربراہ رہنا چاہیے۔‘

    

    ،تصویر کا ذریعہAPP

    اُنھوں نے جنرل باجوہ کا نام لیے بغیر کہا کہ اُن کا اس حوالے سے ایک مختلف نظریہ تھا، جبکہ وہ خود ملک کے چیف ایگزیکٹیو کے طور پر سوچ رہے ہیں۔

    جنرل باجوہ کو ہٹانے کے مبینہ منصوبے کے بارے میں اُنھوں نے کہا کہ یہ مسلم لیگ (ن) کی پھیلائی گئی گمراہ کُن معلومات ہیں۔

    آرمی چیف کی مدتِ ملازمت میں مبینہ توسیع کے بارے میں اُنھوں نے کہا کہ اُنھوں نے اتنی دور تک کا نہیں سوچا تھا۔ جب ان سے پوچھا گیا کہ اُن کے اپنے آرمی چیف کے ساتھ تعلقات کیسے ہیں تو اُنھوں نے کہا کہ ’ٹھیک ہیں۔‘

18. 1 اپريل 2022کیا اپوزیشن کے سیاستدان غیر ملکی سفارتکاروں سے نہیں مل سکتے؟

19. 1 اپريل 2022بریکنگ, اسٹیبلشمینٹ نے تین آفرز دیں، عمران خان کا دعویٰ

    عمران خان نے کہا کہ اسٹیبلشمینٹ نے اُنھیں اپوزیشن کی طرف سے تین آفرز دیں، عدم اعتماد کا سامنا کریں، استعفیٰ دیں یا پھر انتخابات کروائیں۔

    اپنے سامنے موجود آپشنز کے حوالے سے کہا کہ (قبل از وقت) انتخابات سب سے بہترین طریقہ ہے اور وہ آخری لمحے تک تحریکِ عدم اعتماد کا مقابلہ کریں گے۔ اُنھوں نے کہا کہ وہ استعفیٰ کبھی نہیں دیں گے۔

20. 1 اپريل 2022بریکنگ, ’عدم اعتماد کا ووٹ جیتنے کی صورت میں قبل از وقت انتخابات کروانا اچھا آئیڈیا ہے‘

    وزیرِ اعظم عمران خان نے کہا ہے کہ اگر وہ عدم اعتماد کا یہ ووٹ جیتتے ہیں تو قبل از وقت انتخابات کروا دینا ایک اچھا خیال ہو گا۔

    اُنھوں نے کہا کہ وہ اس حوالے سے حکمتِ عملی بنا رہے ہیں۔

    عمران خان نے کہا کہ بہتر ہو گا کہ ہم الیکشن کروا دیں۔