پاکستان میں خواتین کے عالمی دن پر عورت مارچ: کب کیا ہوا؟

لائیو کوریج

منزہ انوار, کومل فاروق, کاشان اکمل and حسن بلال زیدی

1. 8 مار چ 2020عورت مارچ 2020: کب کیا ہوا, یہ صفحہ مزید اپ ڈیٹ نہیں کیا جائے گا۔

   پاکستان میں آٹھ مارچ کو خواتین کے عالمی دن کے موقع پر کئی چھوٹے بڑے شہروں میں عورت آزادی مارچ کا انعقاد کیا گیا۔

   اسلام آباد، لاہور، کراچی، کوئٹہ، سکھر اور ٹوبہ ٹیک سنگھ سمیت ملک کے مختلف علاقوں میں یہ مارچ منعقد ہوئے تاہم پشاور میں عورت مارچ نہیں ہوا۔

   مارچ کے شرکا میں نوجوان لڑکے لڑکیوں کے علاوہ بڑی عمر کے افراد، خواجہ سرا اور دیگر گروہوں کے نمائندے بھی شامل تھے۔

   اس کے ساتھ ساتھ ملک کے مختلف شہروں میں عورت مارچ کے خلاف مذہبی تنظیموں اور دیگر گروہوں کی جانب سے ریلیاں بھی نکالی گئیں۔

   جماعتِ اسلامی، جمیعت علائے اسلام اور منہاج القران سمیت دیگر مذہبی تنظیموں کی جانب سے احتجاجی مظاہرے کیے گئے۔ اسلام آباد میں پریس کلب کے باہر کشیدگی اس وقت بڑھی جب حیا مارچ کے شرکا نے عورت مارچ پر پتھراؤ کیا اور جوتے اور ڈنڈے برسائے تاہم پولیس صورتحال پر قابو پانے میں کامیاب ہوگئی۔

   پولیس کی مطابق پتھراؤ کے نتیجے میں آٹھ افراد زخمی ہوئے جنھیں طبی امداد کے بعد ہسپتال سے فارغ کر دیا گیا ہے جبکہ اس واقعے کی ابتدائی رپورٹ اسلام آباد کے کوہسار تھانے میں درج کر لی گئی ہے۔

   بی بی سی اردو کا لائیو کوریج یہاں ختم ہوا۔ عورت مارچ کے بارے میں تفصیلی رپورٹ کے لیے کلک کریں۔

2. 8 مار چ 2020اسلام آباد میں عورت مارچ کے شرکا پر پتھراؤ

3. 8 مار چ 2020زیادتی کی شکایت کرنے پر کہا جاتا ہے ’چپ کرو، دفع کرو اس بات کو‘

   پاکستان کےبڑے شہروں میں ہونے والے عورت مارچ سے متعلق کچھ لوگ یہ تنقید کرتے ہیں کہ مارچ میں شریک خواتین پاکستان کی عام عورتوں کی ترجمانی نہیں کرتی ہیں۔

   اس بنیادی تنقید کی حقیقت جاننے کے لیے ہماری نمائندہ ترہب اصغر نے اس سال کسی بڑے شہر کے بجائے پنجاب کے ایک چھوٹے شہر ٹوبہ ٹیک سنگھ کا رخ کیا ہے۔

   وہاں موجود گھریلو ملازمین اور بھٹہ مزدور خواتین کے لیے عورت مارچ کا کیا مطلب ہے پڑھیے اس رپورٹ میں۔

4. 8 مار چ 2020کراچی: عورت مارچ میٹروپول ہوٹل کی قریب اختتام پذیر

5. 8 مار چ 2020اسلام آباد: عورت مارچ کا قافلہ ڈی چوک پہنچ گیا

   بی بی سی کے عابد حسین کے مطابق عورت مارچ کے شرکا کو اتاترک ایوینیو کی جانب موڑ دیا گیا ہے اور اس وقت مارچ کے شرکا ڈی چوک پہنچ گئے ہیں۔

   توقع کی جا رہی ہے کہ مارچ یہیں اختتام پزیر ہوگا۔

6. 8 مار چ 2020سوشل میڈیا پر شیئر ہونے والے عورت مارچ کے مزید دلچسپ بینر، پوسٹر اور نعرے

7. 8 مار چ 2020اسلام آباد: بی بی سی کی نامہ نگار نے کیا دیکھا؟

8. 8 مار چ 2020کراچی: عورت مارچ میں دھمال!

9. 8 مار چ 2020بریکنگ, اسلام آباد: ناخوشگوار واقعے کے باوجود عورت مارچ کے شرکا پرعزم

   بی بی سی کے عابد حسین کے مطابق عورت مارچ کے دوران جب پنڈال سے تقریریں ختم ہوگئیں تو شرکا کو اسی راستے سے واپس جانا تھا جس سے وہ آئے تھے۔

   تاہم اس وقت مذہبی جماعتوں کی جانب سے نکالی جانے والی ریلی کی طرف سے عورت مارچ کے شرکا پر پتھراؤ کیا گیا اور جوتے اور دیگر چیزیں ماری گئیں۔

   ہمارے ساتھی کے مطابق اس سے عورت مارچ کے شرکا میں وقتی طور پر بھگدڑ مچی تھی تاہم پولیس معاملے پر قابو پانے میں کامیاب ہو گئی۔

   مارچ اس واقعے کے بعد بھی جاری رہا تاہم پولیس نے واپسی کا راستہ بدل کر اسلام آباد کے ایف 6 مرکز کی جانب موڑ دیا گیا۔

   اس وقت عورت مارچ کا مرکزی جلوس ایف 6 مرکز کے قریب کھڑا ہے اور وہاں اب بھی کارکنان کی بڑی تعداد موجود ہے۔

10. 8 مار چ 2020بریکنگ, اسلام آباد: عورت مارچ پر حیا مارچ کے شرکا کی جانب سے پتھراؤ کے مناظر

11. 8 مار چ 2020بریکنگ, اسلام آباد: حیا مارچ کے شرکا کی جانب سے عورت مارچ پر پتھراؤ

    اسلام آباد میں بیک وقت جاری عورت مارچ اور حیا مارچ شرکا کے درمیان حالات کشیدہ ہہو گئے ہیں۔

    بی بی سی کے ذیشان حیدر اور فرحت جاوید کے مطابق جب عورت مارچ کا قافلہ سڑک پر آیا تو دونوں ریلیوں کے درمیان لگے باڑ کی دوسری جانب عورت مارچ پر سے پتھر، جوتے اور دیگر اشیا پھینکی گئیں۔

    اطلاعات کے مطابق موقع پر موجود پولیس اہلکاروں نے مشتعل مظاہرین کو روکنے کی کوشش کی۔

12. 8 مار چ 2020کراچی میں عورت مارچ کے شرکا کے منفرد بینرز: ’دوست بنو، باپ مت بنو!‘

13. 8 مار چ 2020اسلام آباد: عورت مارچ کے مزید بینرز اور پوسٹرز

14. 8 مار چ 2020اریب اظہر: ’جب مرد یہ نعرے سنتا ہے تو اسے لگتا ہے عورت جنسی آزادی مانگ رہی ہے‘

    کراچی میں بی بی سی اردو کے نامہ نگار کریم الاسلام سے بات کرتے ہوئے گلوکار اور سماجی کارکن اریب اظہر کا کہنا ہے کہ ’معاشرے میں تبدیلی اُس وقت ہی ممکن ہوگی جب مرد و خواتین مل کر تمام انسانوں کے حقوق کے لیے کام کریں گے۔‘

    اریب اظہر کا کہنا تھا کہ ’عورت مارچ کے ’میرا جسم میری مرضی‘ جیسےنعروں پر تنازع نہیں بننا چاہیے تھا، یہ ان لوگوں کی سازش ہے جو اس مارچ کے مخالف ہیں۔‘

    ’معاشرے میں بہت سے مرد ایسے ہیں جب وہ ان نعروں کو سنتے ہیں تو ان کو لگتا ہے کہ خواتین ان کے ذریعے جنسی آزادی مانگ رہی ہیں۔ تاہم خواتین کو ان نعروں سے ایسا نہیں لگتا، بلکہ ان کے دماغ میں یہ چلتا ہے کہ ان کی مرضی کے بغیر ان کی شادی نہ ہو، انھیں کام کرنے کی آزادی ہو۔‘

15. 8 مار چ 2020کراچی: عورت مارچ پر ہونے والی تنقید پر شیما کرمانی کا جواب

16. 8 مار چ 2020سکھر: عورت مارچ سے بی بی سی اردو کی ریاض سہیل کا فیس بک لائیو

17. 8 مار چ 2020کراچی: پدر شاہی معاشرے کے خلاف بینرز

18. 8 مار چ 2020پشاور: جماعت اسلامی کی خواتین کی عورت مارچ کے خلاف ریلی

    جماعت اسلامی کی خواتین نے ضلع پشاور میں ’تقدس خواتین مارچ‘ شروع کر دیا ہے۔ یہ ریلی آرکائیوز ہال سے گورنر ہاؤس تک جائیگی۔

19. 8 مار چ 2020اسلام آباد: حیا مارچ کا متعین وقت ختم لیکن مظاہرہ پھر بھی جاری

    نامہ نگار فرحت جاوید کے مطابق اسلام آباد میں پریس کلب کے باہر مذہبی جماعتوں کی جانب سے کیے جانے والے حیا مارچ کا اگرچہ مقررہ وقت ختم ہو چکا ہے لیکن اس مارچ کے شرکا اب بھی وہیں موجود ہیں۔

20. 8 مار چ 2020چارسدہ: مزدور کسان پارٹی کی خواتین کے عالمی دن پر تقریب

    پاکستان مزدور کسان پارٹی کے زیر انتظام خواتین کے عالمی دن کے حوالے سے چارسدہ میں تقریب آج منعقد ہوئی۔