تیزگام ایکسپریس میں آتشزدگی سے 74 افراد ہلاک

پاکستان کے صوبہ پنجاب کے ضلع رحیم یار خان میں ایک مسافر ٹرین میں آگ لگنے سے کم از کم 74 افراد ہلاک ہوگئے ہیں اور لاشوں کی شناخت کے لیے ڈی این اے ٹیسٹ کیے جائیں گے۔

لائیو کوریج

عماد خالق, حسن بلال زیدی and کومل فاروق

31 اکتوبر 2019رحیم یار خان میں تیزگام ایکپسریس کا حادثہ: کب کیا ہوا؟
،تصویر کا ذریعہGetty Images
پاکستان کے صوبہ پنجاب کے ضلع رحیم یار خان میں مسافر ٹرین تیز گام ایکسپریس میں آگ لگنے سے حکام کے مطابق کم از کم 74 افراد ہلاک ہوگئے ہیں۔
ٹرین میں آتشزدگی کا یہ واقعہ جمعرات کی صبح کراچی سے راولپنڈی جانے والی تیزگام ایکسپریس کی تین بوگیوں میں لگی۔ حکام کے مطابق اس حادثے میں ہلاک ہونے والے زیادہ تر افراد کی لاشیں 'ناقابل شناخت' حالت میں ہیں۔
وفاقی وزیر ریلوے شیخ رشید کے مطابق متاثرین میں تبلیغی جماعت کا ایک وفد بھی شامل تھا جو لاہور میں ہونے والے اجتماع کے لیے سفر کر رہا تھا۔
،تصویر کا ذریعہGetty Images
مسافروں کے پاس ناشتے کا سامان، سلنڈر اور چولہے تھے جن کے پھٹنے سے آگ لگی۔ وزیر ریلوے کے مطابق حادثہ ’سلنڈر اور چولہے‘پھٹنے کی وجہ سے ہوا اور حادثے میں ٹرین کی تین بوگیاں مکمل طور پر جل گئی ہیں۔
وفاقی وزیر ریلوے کے مطابق ٹرین کی دو بوگیاں تبلیغی اجتماع میں شرکت کرنے والی امیر حسین کے نام سے بک کروائی گئیں تھی جس میں حیدرآباد سے مسافر سوار ہوئے تھے۔
حادثے میں ہلاک ہونے والوں کی میتیں اور زخمی افراد کو جنوبی پنجاب کے مختلف ہسپتالوں میں منتقل کیا گیا ہے جہاں ان کا علاج جاری ہے۔
حادثے کے فوراً بعد امدادی کارروائیاں شروع کر دی گئیں جس میں پاکستان فوج کے جوانوں نے بھی حصہ لیا۔
حادثے کا شکار ہونے والے زیادہ تر افراد کا تعلق سندھ کے شہروں میرپور خاص، حیدرآباد اور نوابشاہ سے ہے۔
وفاقی وزیر ریلوے نے حادثے کے فوراً بعد ملتان کا دورہ کیا اور زخمیوں کی عیادت کی۔ انھوں نے اس حادثے میں جاں بحق ہونے والوں کے لیے 15 لاکھ اور زخمیوں کے لیے فی کس پانچ لاکھ امدادی معاوضے کا اعلان بھی کیا۔
،تصویر کا ذریعہGetty Images
وفاقی وزیر ریلوے کی جانب سے حادثے کی ذمہ داری کا اعتراف کرتے ہوئی اسے سکیورٹی کی کوتاہی قرار دیا۔ ان کا کہنا تھا کہ وزیر اعظم کی ہدایت پر اس سانحے کی مکمل تحقیقات کروائی جائیں گی جس کی رپورٹ 15 دنوں میں آئی گی۔
ان کا کہنا تھا کہ تحقیقاتی رپورٹ کی روشنی میں ذمہ داروں کے خلاف قانون کی مطابق سخت کارروائی کی جائے گی۔
جبکہ اس حادثے کے فوراً بعد پاکستان ریلوے کی جانب سے ٹرین کے سفر کے بارے میں مسافروں کے لیے حفاظتی ہدایات نامہ جاری کیا گیا۔
ٹرین حادثے کے بعد وزیر اعلیٰ پنجاب عثمان بزدار نے بھی رحیم یار خان کے شیخ زید ہسپتال کا دورہ کیا اور حادثے میں زخمی ہونے والوں کی عیادت کی۔
انھوں نے رحیم یار خان میں بھی برن یونٹ بنانے کا اعلان کیا۔ ریسکیو عملے کے مطابق ہلاک ہونے والوں کی شناخت جل جانے کے سبب ناقابل شناخت تھی۔
تیزگام حادثے پر وزیر اعظم عمران خان، قائد حزب اختلاف شہباز شریف سمیت مختلف ممالک کے سفرا اور وزرا نے دکھ اور افسوس کا اظہار بھی کیا۔
31 اکتوبر 2019ملتان: نشتر ہسپتال کے ایم ایس نے بی بی سی کو کیا بتایا؟
،ویڈیو کیپشنرحیم یار خان ٹرین حادثہ: نشتر ہسپتال ملتان کے میڈیکل سپرنٹنڈنٹ کا انٹرویو
31 اکتوبر 2019بریکنگ, ’وہی بچ سکے جنھوں نے چھلانگ لگائی‘
،تصویر کا کیپشنوکٹوریہ ہسپتال پہاولپور میں قائم ہیلپ ڈیسک
ملتان کے نشتر اسپتال کے برن یونٹ میں بھی نو زخمی لائے گئے ہیں، جن میں سے پانچ کو سر پر چوٹیں اور دیگر کو فریکچر آئے ہیں۔
یہاں موجود ایک ڈاکٹر نے بی بی سی کو بتایا کہ ان کے پاس آنے والے زخمی اس وقت شدید ٹراما کی حالت میں ہیں۔ جھلسنے والے مریض مجموعی طور پر بیس فیصد تک جلے ہیں اور ان کے وائیٹل اعضا تو کام کر رہے ہیں لیکن پھیپھڑے متاثر ہوئے ہیں۔
ڈاکٹر کے مطابق مریضوں کی اکثریت کو فریکچر آئے ہیں۔ ’یہ وہ مسافر ہیں جو ان بوگیوں میں سوار تھے اور انہوں نے اپنی جان بچانے کے لیے چلتی ٹرین سے چھلانگ لگائی۔ جو بوگیوں کے اندر رہے وہ تو سب ہی ہلاک ہو گئے ہیں، وہی بچ سکے ہیں جنھوں نے چھلانگ لگائی۔‘
31 اکتوبر 2019جنوبی پنجاب کے مختلف ہسپتالوں میں زخمیوں کا علاج جاری
پاکستان کے صوبہ پنجاب کے ضلع رحیم یار خان میں کراچی سے راولپنڈی جانے والی تیزگام ایکسپریس میں آگ لگنے سے حکام کے مطابق کم از کم 74 افراد ہلاک ہو گئے ہیں۔
زخمیوں کا علاج جنوبی پنجاب کے مختلف ہسپتالوں میں جاری ہے۔ ملتان کے نشتر ہسپتال کے برن یونٹ میں ہماری نامہ نگار فرحت جاوید موجود ہیں۔
31 اکتوبر 2019پانچ افراد کی میتیں میرپور خاص روانہ
مقامی ذرائع کے مطابق تیزگام ایکسپریس حادثے میں ہلاک ہونے والے پانچ افراد کی میتیں ان کی آبائی علاقے میرپور خاص روانہ کر دی گئیں ہیں۔
میرپورخاص سے تعلق رکھنے والے پانچ افراد کی شناخت محمد سلیم، آفتاب، عبداللطیف، محمد کریم اور خوشی محمد کے نام سے ہوئی تھی۔
،تصویر کا ذریعہGetty Images
31 اکتوبر 2019صدر مسلم لیگ نواز شہباز شریف کی جانب سے اظہار افسوس
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 اکتوبر 2019سانحہ تیز گام پر پیپلز پارٹی پنجاب کا ردعمل
پیپلز پارٹی پنجاب کے رہنما قمر زمان کائرہ نے تیزگام ٹرین حادثے پر ردعمل دیتے ہوئے کہا ہے کہ پیپلز پارٹی اس واقعے میں ہلاک اور زخمی ہونے والوں کے غم میں برابر کی شریک ہے۔
ان کا کہنا تھا کہ ایسے ناگہانی خطرات سے بچنے کے لیے سکیورٹی کی کوتاہیکا تدارک کرنا پڑے گا۔
قمر زمان کائرہ کا کہنا تھا کہ حکمرانوں کو ایک سال 4 ماہ میں ہونے والے ریل حادثات کا حساب دینا پڑے گا۔
ان کا کہنا تھا کہ ایک اہم ترین سوال یہ بھی ہے کہ تینوں بوگیوں نےایک ساتھ آگ کیسے پکڑی؟
جبکہ پیپلز پارٹی کے رہنما چودھری منظور کا کہنا تھا کہ یہ ایک بہت بڑا سانحہ ہے۔ اس کی بڑے پیمانے پر انکوائری کرائی جانی چاہیے۔
انھوں نے کہا کہ ’مرنے والوں کو حادثے کا ذمہ دار قرار دینا انتہائی شرمناک ہے۔‘
انھوں نے وفاقی وزیر ریلوے پر تنقید کرتے ہوئے کہا کہ انھیں اپنی ناکامی قبول کرتے ہوئے مستعفی ہو جانا چاہیے۔
31 اکتوبر 2019پیپلز پارٹی رہنما نفیسہ شاہ کا وزیر ریلوے کے استعفے کا مطالبہ
پیپلز پارٹی کی رہنما نفیسہ شاہ نے تیزگام ایکسپریس ٹرین حادثے پر ردعمل دیتے ہوئے ٹویٹ کیا ہے کہ وفاقی وزیر ریلوے شیخ رشید کو فوری طور پر ان کے عہدے سے ہٹا دینا چاہیے۔
انھوں نے پاکستان ریلوے کو موت کی مشین بنا دیا ہے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 اکتوبر 2019میرپور خاص میں سوگ
،تصویر کا ذریعہGetty Images
تیزگام ٹرین حادثے میں ہلاک اور زخمی ہونے والوں کی زیادہ تر تعداد سندھ کے شہر میرپورخاص سے ہے۔
اطلاعات کے مطابق میرپور خاص اور کنری کی پانچ سے زائد مساجد کے زیر انتظام 84 افراد تبلیغی اجتماع میں شرکت کے لیے گئے تھے۔
ان افراد کے متعلق اطلاعات کے لیے میرپور خاص کے ڈپٹی کمشنر اور ایس ایس پی پولیس کے دفاتر میں خصوصی ڈیسک قائم کیے گئے ہیں۔ میرپورخاص کی شاہی بازار، صرافہ بازار، بلدیہ شاپنگ مال سمیت شہر کے بازار سوگ میں بند ہیں۔
31 اکتوبر 2019بریکنگ, حادثے کی تحقیقات کون کرے گا؟, شہزاد ملک، بی بی سی اردو ڈاٹ کام
،تصویر کا ذریعہGetty Images
ریلوے پولیس کے ایک اہلکار نے نام نہ ظاہر کرنے کی شرط پر بتایا کہ اس واقعے کی تحقیقات سے متعلق عینی شاہدین کا دعویٰ کہ آگ شارٹ سرکٹ سے لگی خارج نہیں کیا جا سکتا۔
اہلکار کے مطابق تفتیش کے دوران عینی شاہدین کے بیانات کو بھی قلمبند کیا جارہا ہے۔
اس واقعے سے متعلق ابھی تک ریلوے پولیس ہی تحقیقات کر رہی ہے اور وزیر ریلوے نے اس سے متعلق مشترکہ تحقیقات کا ابھی کوئی اعلان نہیں کیا۔
ایس پی ریلوے پولیس امجد منظور کی سربراہی میں ایک ٹیم اس واقعے کی تحقیقات کرر ہے ہیں جبکہ خفیہ اداوں کے اہلکار بھی اس ضمن میں ان کی معاونت کر رہے ہیں۔
لیاقت پور کے سب ڈویژنل پولیس افسر دستگیر لنگاہ نے بی بی سی کو بتایا کہ ٹرین حادثے کی تحقیقات پنجاب پولیس کے دائرہ اختیار میں نہیں آتی۔
ان کا کہنا تھا کہ اگر ٹرین کے اندر یا ریلوے کے سگنل تک کسی بھی قسم کا کوئی واقعہ پیش آتا ہے تو اس کی تحقیقات ریلوے پولیس کرتی ہے۔
31 اکتوبر 2019بریکنگ, ’آگ چائے بناتے ہوئے لگی‘
،تصویر کا ذریعہRescue 1122
تیز گام ٹرین حادثے کے عینی شاہد محمد رمضان جن کا تعلق کراچی سے ہے وہ بھی متاثرہ بوگی میں سوار تھے۔
انھوں نے ٹیلیفون پر بی بی سی کو بتایا کہ ’تبلیغی اجتماع میں شریک افراد نے چائے بنانے کے لیے سلینڈر جلایا تھا کہ اچانک آگ بھڑک اٹھی اور دھماکہ ہوا۔‘
ان کا کہنا ہے کہ چند افراد کی ہلاکت بوگی کے اندر ہی ہوگئی تھی۔
محمد رمضان نے بتایا کہ انھوں نے چلتی ہوئی ٹرین سے چھلانگ لگا کر اپنی جان بچائی۔
31 اکتوبر 2019بریکنگ, ’دو سلنڈر تباہ، چار میں گیس نہیں تھی‘, شہزاد ملک، بی بی سی اردو ڈاٹ کام
،تصویر کا ذریعہPAKISTAN RAILWAYS
رحیم یار خان کی تحصیل لیاقت پور میں تیز گام ٹرین میں آتشزدگی کے واقعے کے بعد ریلوے پولیس نے جائے حادثہ سے شواہد اکھٹے کر کے اُنھیں فورینزک لیبارٹری بھجوا دیا ہے۔
لیبارٹری کی رپورٹ آنے کے بعد یہ واضح ہوگا کہ اس آتشزدگی کے محرکات کیا تھے۔
اس واقعے کی تفتیش کرنے والی ٹیم میں شامل ریلوے پولیس کے ایک اہلکار نے اپنا نام ظاہر نہ کرنے کی شرط پر بی بی سی کو بتایا کہ آگ بجھانے کے دوران ایسے شواہد ختم ہوگئے جو تحقیقات میں معاون ثابت ہوسکتے تھے۔
اُنھوں نے کہا ہے کہ حادثے کے دوران دو سلنڈرز تباہ ہوئے ہیں جبکہ دیگر چار سلنڈرز، جو جائے حادثہ سے ملے، ان میں گیس نہیں تھی۔
31 اکتوبر 2019بریکنگ, ’اتنا حوصلہ ہے کہ وہ زندہ ہے‘
تیز گام ٹرین حادثے میں زخمی ہونے والے ایک مسافر رانا طاہر جن کا تعلق سندھ کے شہر میرپور خاص سے ہے اس وقت رحیم یار خان کے شیخ زید ہسپتال میں زیر علاج ہیں۔
طاہر کے والد رانا یوسف نے بی بی سی کو بتایا کہ ان کے بیٹے رائیونڈ اجتماع کے لیے جا رہے تھے۔ان کے مطابق جیسے ہی ٹرین میں آگ لگی اور بوگی میں دھواں بھرا تو ان کے بیٹے نے ٹرین سے چھلانگ لگا دی۔
ان کا کہنا تھا کہ ’اس کی حالت ابھی بھی تشویش ناک ہے لیکن اتنا حوصلہ ہے کہ وہ زندہ ہے۔‘
واضح رہے کہ رانا یوسف اپنے بیٹے کی تیماداری کے لیے بذریعہ سڑک رحیم یار خان پہنچے ہیں۔
31 اکتوبر 2019پاکستان پیپلز پارٹی کے چیئرمین بلاول بھٹو زرداری کا تیزگام حادثے پر پیغام
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 اکتوبر 2019سابق چینی سفیر کا تیزگام حادثے پر ہمدردی کا اظہار
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 اکتوبر 2019انڈین اداکار کا تیزگام حادثے پر اظہار افسوس
انڈیا کے اداکار رشی کپور نے ٹوئٹر پر تیزگام ایکسپریس ٹرین حادثے میں متاثرہ افراد کے اہلخانہ کے ساتھ افسوس کا اظہار کیا۔
انھوں نے اپنی ٹویٹ میں لکھا کہ اس مشکل گھڑی میں ان کی دعائیں اور نیک تمنائیں متاثرہ خاندانوں کے ساتھ ہیں۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 اکتوبر 2019بریکنگ, زخمیوں کے لیے پانچ لاکھ روپے معاوضے کا اعلان
،تصویر کا ذریعہGetty Images
اپنے ویڈیو پیغام میں وفاقی وزیر ریلوے شیخ رشید نے زخمیوں کے لیے پانچ لاکھ روپے معاوضے کا اعلان کیا تھا۔
انھوں نے مزید کہا تھا کہ ہلاک ہونے والوں کے لواحقین کو 15 لاکھ روپے دیے جائیں گے۔
شیخ رشید کا کہنا تھا کہ پاکستان ریلوے میں سالانہ سات کروڑ افراد سفر کرتے ہیں اور موجودہ دور حکومت میں ایک کروڑ مسافروں کا مزید اضافہ ہوا ہے۔
31 اکتوبر 2019ترکی کے وزیرِ خارجہ کا تیزگام حادثے پر اظہارِ افسوس
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 اکتوبر 2019پندرہ دن میں ٹرین حادثے کی انکوائری مکمل ہو جائے گی: شیخ رشید
پاکستان کے وزیر ریلوے شیخ رشید کا کہنا ہے کہ وزیراعظم نے ٹرین حادثے کی تحقیقات کا حکم دیا ہے، 15 دن میں انکوائری مکمل ہو جائے گی۔تاہم جب ان سے ٹرین میں آگ لگنے کی وجوہات کے بارے میں پوچھا گیا تو انھوں نے بعض عینی شاہدین کی جانب سے شاٹ سرکٹ سے آگ لگنے کے دعوے کی تردید کی۔
31 اکتوبر 2019’جلی ہوئی بوگیوں میں سے سیٹیں کاٹ کر لاشیں نکالیں‘
،تصویر کا ذریعہRescue 1122
فلاحی تنظیم ایدھی فاونڈیشن کے رضاکار محمد زبیر نے بی بی سی کو بتایا کہ جب وہ جائے وقوع پر پہنچے تو تین بوگیوں کو آگ لگی ہوئی تھی اور انھیں باقی بوگویوں سے بھی الگ نہیں کیا گیا تھا تاہم پانی ڈال کر آگ بجھانے کی کوشش جاری تھی۔
ایدھی رضاکاروں کا کہنا ہے کہ زیادہ تر لاشیں ناقابل شناخت ہیں۔ محمد زبیر کے مطابق ’ کولنگ کے عمل کے بعد جب ہم ان بوگیوں میں داخل ہوئے تو پتہ ہیں نہیں چل رہا تھا کہ کونسا لکڑی کا ٹکڑا ہے اور کونسا ہڈی کا ہے۔‘
انھوں نے بتایا کہ ٹرین کی سیٹوں اور انسانی جسموں کی راکھ ایک ساتھ موجود تھی۔ ’یہ علم نہیں ہو رہا تھا کہ یہ عورت کی لاش ہے، مرد یا کسی بچے کی بس کچھ باقیات ہی بچی تھیں۔‘