رن اپ کے ابتدائی نشان پر کھڑے ارشد پہلے اپنی بائیں ایڑھی اٹھاتے ہیں اور پھر دائیں ایڑھی، اپنی کمر سیدھی کرتے ہیں اور پھر اپنی بائیں ٹانگ سے رن آپ کا آغاز کرتے ہیں۔

ان کا رن اپ نو قدم کا ہے جس کے بعد وہ تین مرتبہ چھوٹی چھلانگیں یا کراس اوور سٹیپ لیتے ہیں۔

دوسرا کراس اوور سٹیپ جسے امپلس سٹیپ بھی کہتے ہیں تھوڑا بڑا ہوتا ہے جس سے انھیں لینڈنگ کے وقت اپنا وزن اپنے پچھلے پیر پر رکھنے کا موقع ملتا ہے۔

جیولن پھینکتے وقت وہ اپنے پچھلے پیر پر لینڈ کرتے ہیں اور اس دوران ان کا ہاتھ سیدھا ہوتا ہے اور جیولن ان کی آنکھوں کی سیدھ میں۔

ارشد یہ جیولن اپنے کندھے کے اوپر سے پھینکتے ہیں اور اس دوران ان کی کمر میں جھکاؤ آتا ہے۔ 

پاکستان کے سٹار ایتھلیٹ ارشد ندیم کی طرح جیولن کیسے پھینکا جائے

سواتی جوشی

جیولن کو زمین میں گڑنا ضروری نہیں بلکہ اس کا زمین سے ٹکرا کر وہاں اپنا نشان چھوڑنا کافی سمجھا جاتا ہے۔ جب تک تھرو مکمل نہ ہو جائے ایتھلیٹ کے لیے لازم ہے کہ اس کا رخ لینڈنگ سیکٹر کی جانب ہو۔

جیولن پھینکنے اور اس کے زمین سے ٹکرانے تک ایتھلیٹس کے لیے لازم ہے کہ وہ تھروئنگ آرک یا فاؤل لائن کے عقب میں رہیں۔

جیولن کی رفتار
جیولن جتنی تیزی سے پھینکا جائے گا، اتنا ہی دور جائے گا، جیسے کہ کسی گیند کو زور سے پھینکنا اسے دور لے جاتا ہے۔

ریلیز کی اونچائی
جتنی زیادہ اونچائی سے اسے ریلیز کیا جائے گا، جیولن ہوا میں اتنا زیادہ وقت گزارے گا تاوقتیکہ کشش ثقل اسے نیچے کھینچ لے۔ ایک مطالعے کے مطابق، ریلیز کی اونچائی جیولن پھینکنے والے ایتھیلیٹ کی اونچائی کے تقریبا 105٪ ہونی چاہیے۔

ریلیز اینگل
اگر ریلیز اور لینڈنگ پوائنٹس ایک ہی سطح پر ہوں تو پروجیکٹائل موشن کا زیادہ سے زیادہ زاویہ 45 ڈگری ہے تاہم، جیولین تھرو میں ریلیز اور لینڈنگ پوائنٹس
ایک مختلف زاویے پر ہوتے ہیں اس لیے کوئی مطلق بہترین زاویہ نہیں ہے جو ہر تھرو پر سب سے زیادہ فاصلے کی ضمانت دے۔

اٹیک اینگل

اٹیک کا زاویہ ریلیز کی رفتار اور جیولن کے عمودی زاویے کے درمیان کا زاویہ ہے۔

جیولن پر اثرانداز ہونے والی قوتیں

جیولن کا وزن کشش ثقل کے مرکز کے طور پر کام کرتا ہے اور اسے نیچے کھینچتا ہے۔

ایروڈائینیمکس یہ ہیں کہ ہوا کس طرح جیولن کے گرد اس کی رفتار اور شکل سے متاثر ہو کر بہتی ہے۔ ان میں لفٹ اور ڈریگ جیسی قوتیں شامل ہیں۔ جیسے ہی جیولن اڑتا ہے، یہ ایروڈائنامک قوتیں اپنی پوزیشن کو تبدیل کرتی ہیں (ہمیشہ جیولن کے مرکز میں نہیں ہوتیں)، جس سے ہوا میں اس کا زاویہ اور استحکام متاثر ہوتا ہے۔

جیسے ہی کھلاڑی جیولن پھینکتا ہے، وہ زاویے کی رفتار کا استعمال کرتا ہے جسے پچنگ مومنٹ بھی کہا جاتا ہے۔