እዚ ውሑድ ዳታ ብምጥቃም፡ ጽሑፍ ጥራይ እተንብቡሉ መርበብ ሓበሬታ ቢቢሲ ትግርኛ እዩ። ምሉእ ኣሳእልን ቪድዮታትን ንምርኣይ ድማ ቀንዲ መርበብ ሓበሬታና ተጠቐሙ።
እልልታ ሳሙኤል፡ ኣብ ናይ ኮሮናቫይረስ ክፍሊ ጽዑቕ ክንክን እትሰርሕ ኤርትራዊት
ኣብዚ ከቢድ ናይ ኮሮና ቫይረስ እዋን እቶም ኣብ ቅድመ ግንባር ተሰሊፎም ንሕሙማት ዝከናኸኑን ዝኣልዩን ዘለው እቶም ኣብ ዓውደ ሕክምና ዝሰርሑ ሰባት እዮም። እቶም ኣብ ሰላምን ጸገምን፡ ኣብ ጭንቅን ራህዋን ንህዝቢ ብሞየኦም ኸገልግሉ ዝመሓሉ ሰራሕተኛታት ሕክምና ማሕለኦም ዓቂቦም ብሰብኣዊ ሓልዮትን ርህራሀን ንህዝቢ የገልግሉ ብምህላዎም ዜጋታት ነብሲ ወከፍ ሃገር ኣብ ዝተፈላለየ ኣጋጣሚ ከም ጀጋኑኦም የድንቑዎምን የኽብሩዎምን ኣለው።
