బకింగ్‌హమ్ ప్యాలెస్ బాల్కనీ నుంచి ప్రజలకు రాజకుటుంబం అభివాదం

లైవ్ కవరేజీ

1. 6 మే 2023బకింగ్‌హమ్ ప్యాలెస్ బాల్కనీ నుంచి ప్రజలకు రాజకుటుంబం అభివాదం

   

   ఫొటో సోర్స్, Getty Images

   కింగ్ చార్లెస్ III, క్వీన్ కాన్సర్ట్ కామిల్లా, ఇతర కుటుంబ సభ్యులు బకింగ్‌హామ్ ప్యాలెస్ బాల్కనీ నుంచి ప్రజలకు అభివాదం చేశారు.

   వెస్ట్‌మినిస్టర్ అబేలో పట్టాభిషేక ఘట్టం ముగిసిన తర్వాత రాయల్ ఫ్యామిలీ సభ్యులు తిరిగి బకింగ్‌హమ్ ప్యాలెస్ వచ్చారు.

   అక్కడ వేలమంది ప్రజలు ఎదురు చూస్తుండగా, రాజకుటుంబం బాల్కనీ నుంచి ప్రజలకు కనిపించారు.

   వెస్ట్‌మినిస్టర్ అబేలో తండ్రి పట్టాభిషేకానికి హాజరైన కింగ్ చార్లెస్ III రెండో కుమారుడు హ్యారీ, బాల్కనీ అప్పియరెన్స్‌లో మాత్రం కుటుంబ సభ్యులతో కలిసి కనిపించ లేదు.

   బీబీసీకి అందిన సమాచారం ప్రకారం హ్యారీకి బాల్కనీ నుంచి ప్రజలకు కనిపించే కార్యక్రమానికి ఆహ్వానం అందలేదు. పట్టాభిషేక కార్యక్రమానికి హ్యారీ భార్య మేఘాన్ హాజరు కాలేదు

   

   ఫొటో సోర్స్, Reuters

2. 6 మే 2023వెస్ట్‌మినిస్టర్ అబే: రాజుగా ప్రమాణం చేసిన కింగ్ చార్లెస్ III

   

   ఫొటో సోర్స్, Getty Images

   వెస్ట్‌మినిస్టర్ అబేకు చేరుకున్న కింగ్ చార్లెస్ III, సుమారు 2200 మంది దేశవిదేశాలకు చెందిన అతిథుల సమక్షంలో పట్టాభిషేక కార్యక్రమంలో పాల్గొన్నారు.

   ఆర్చ్ బిషప్ కాంటర్‌బరీ పూర్తిగా క్రైస్తవ మత సంప్రదాయంలో ఈ కార్యక్రమాన్ని నిర్వహించారు.

   తన పాలనలో చట్టాలను, ఇంగ్లండ్ చర్చిని గౌరవిస్తానని చెప్పాల్సిందిగా ఆయన కోరారు.

   ‘నేను సేవ చేయించుకోవడానికి కాదు..సేవ చేయడానికి వచ్చా’ అని కింగ్ చార్లెస్ III ప్రకటించారు.

   తన విధులకు కట్టుబడి ఉంటానంటూ ఆయన బైబిల్ మీద ప్రమాణం చేశారు.

   అనంతరం ఆర్చ్ బిషప్ కాంటర్‌బరీ కింగ్‌ ను భగవంతుడు రక్షిస్తాడని (గాడ్ సేవ్ కింగ్) ప్రకటించారు.

3. 6 మే 2023కింగ్ చార్లెస్ III పట్టాభిషేకం

   

   ఫొటో సోర్స్, Reuters

   లండన్‌లో కింగ్ చార్లెస్ పట్టాభిషేకం జరుగుతోంది. దీన్ని ప్రపంచ వ్యాప్తంగా ప్రజలు వీక్షిస్తున్నారు.

   వెస్ట్‌మినిస్టర్ అబేలో కిరీటాన్ని ధరిస్తున్న 40వ బ్రిటన్ చక్రవర్తిగా ఆయన రికార్డు సృష్టించబోతున్నారు.

   కింగ్ చార్లెస్III, క్వీన్ కాన్సర్ట్ కామిలాతో కలిసి బకింగ్ హమ్ ప్యాలెస్ నుంచి వెస్ట్‌మినిస్టర్ అబే కు బంగారు రథంలో బయలుదేరారు.

   బంగారు రథం ప్రయాణించే మార్గంలో వేలమంది ప్రజలు ఆయన్ను చూసేందుకు బారులు తీరారు. కింగ్ చార్లెస్, కామిల్లా ప్రజలకు అభివాదం చేస్తూ వెస్ట్‌మినిస్టర్ అబే కు వెళ్లారు.

4. 6 మే 2023వెస్ట్‌మినిస్టర్ అబేకు చేరుకుంటున్న అతిథులు

   

   ఫొటో సోర్స్, PA Media

   కింగ్ చార్లెస్ III పట్టాభిషేక కార్యక్రమానికి హాజరయ్యేందుకు పెద్ద ఎత్తున అతిథులు వెస్ట్‌మినిస్టర్ అబేకు చేరుకుంటున్నారు.

   కింగ్ ప్రయాణించే మార్గంలో ప్రజలు గుంపులుగుంపులుగా చేరుకోవడంతో పండగ వాతావరణం కనిపిస్తుండగా వెస్ట్‌మినిస్టర్ దగ్గర మాత్రం కేవలం అతిథులు మాత్రమే కనిపిస్తున్నారు.

   అబే ప్రాంతానికి సామాన్యులకు అనుమతి లేదని ప్రభుత్వం ఇంతకు ముందే ప్రకటించింది.

   బ్రిటన్‌తో పాటు వివిధ దేశాల నుంచి వస్తున్న అతిథులు వెస్ట్‌మినిస్టర్ అబేకు చేరుకుంటున్నారు.