తెలంగాణ తిరుపతి: జనులను ఆకట్టుకుంటున్న కురుమూర్తి జాతర

31 అక్టోబర్ 2017

పేదల తిరుపతి, తెలంగాణ తిరుపతిగా పిలిచే కురుమూర్తి జాతర మహబూబ్‌నగర్ జిల్లాలో ఉత్సాహంగా జరుగుతోంది. కురుమూర్తి క్షేత్రానికి, తిరుమలకు ఎన్నో పోలికలున్నాయి. తెలంగాణలో సమ్మక్క-సారలమ్మ జాతర తర్వాత ఇదే పెద్ద ఉత్సవమని స్థానికులు చెబుతారు.

కురుమూర్తి బ్రహ్మోత్సవాలు — ఫొటో క్యాప్షన్, మహబూబ్‌నగర్ జిల్లా సీసీకుంట మండలం అమ్మాపూర్‌లో ఏడు కొండల మధ్య కురుమూర్తి వెంకటేశ్వరస్వామి ఆలయం ఉంది. ప్రతీ ఏడాది ఇక్కడ నెల రోజుల పాటు బ్రహ్మోత్సవాలు నిర్వహిస్తారు.

తెలంగాణ తిరుపతి బ్రహ్మోత్సవాలు — ఫొటో క్యాప్షన్, శేషాద్రి , ఏకాద్రి , కోటగట్టు, ఘనాద్రి, భల్లూకాద్రి, పతగాద్రి, దేవతాద్రి అనే ఏడు కొండల్లో దేవతాద్రి అని పిలిచే దేవరగట్టుపై కురుమూర్తి ఆలయం ఉంది.