భూసేకరణకు వ్యతిరేకంగా రాజస్థాన్ రైతుల వినూత్న నిరసన

5 అక్టోబర్ 2017

రాజస్థాన్‌లో ప్రభుత్వం తలపెట్టిన భూసేకరణకు వ్యతిరేకంగా రైతులు 'జమీన్ సమాధి సత్యాగ్రహ'ను చేపట్టారు. జైపూర్ సమీపంలోని నిందడ్ గ్రామంలో మెడలోతు గుంతల్లోకి దిగిపోయారు.

గుంతల్లో పూడ్చుకుని నిరసన తెలుపుతున్న రైతులు — ఫొటో క్యాప్షన్, మూడు రోజులుగా రైతులు ఈ గుంతల్లోనే ఉంటున్నారు. ‘‘ప్రాణం పోయినా అడుగు భూమి కూడా ఇచ్చేది లేదు’’ అని రైతులు తేల్చిచెబుతున్నారు.

గుంతల్లో కూర్చుని నిరసన తెలుపుతున్న మహిళలు — ఫొటో క్యాప్షన్, ఈ సత్యాగ్రహంలో మహిళలు కూడా పాల్గొంటున్నారు. రెండు రోజులుగా పురుషులకు మద్దతుగా వీళ్లూ నిరసన వ్యక్తం చేస్తున్నారు. ''మాకు ఉన్నదే కాస్తంత భూమి. నాకు అయిదుగురు కొడుకులున్నారు. ఉన్నది కాస్త ప్రభుత్వానికి ఇచ్చేస్తే మా పిల్లలు ఏం చేయాలి? వీధుల్లో అడుక్కోవాలా?'' అని ఓ మహిళ ప్రశ్నిస్తున్నారు.

ఎండకు సొమ్మసిల్లి పడిపోయిన మహిళలు — ఫొటో క్యాప్షన్, 520 ఎకరాల భూమి కావాలని ప్రభుత్వం కోరుతున్నట్లు రైతులు చెబుతున్నారు. పగలు ఇక్కడ ఉష్ణోగ్రతలు 38 డిగ్రీల వరకు చేరుతున్నాయి. ఎండకు తాళలేక కొందరు సొమ్మసిల్లి పడిపోతున్నారు.