Daeth y cyfnod cofrestru ar gyfer BBC micro:bit am ddim i ben ddydd Llun 18 Rhagfyr.
Daeth y cyfnod cofrestru ar gyfer BBC micro:bit am ddim i ben ddydd Llun 18 Rhagfyr.
Yn y fideo yma, dw i’n mynd i sôn
am y peth bach yma, y BBC micro:bit,
a pham y byddai’n beth gwych i’w gael yn eich ysgol chi,
a sut gallwch chi gael set o 30 am ddim.
‘Am ddim’ yn apelio yn dydy?
(cerddoriaeth fywiog)
Mae’r micro:bit yn ddyfais bychan iawn sy’n gallu cael ei godio.
Mae’n helpu disgyblion i ddeall sut mae cyfrifiaduron yn gweithio,
a dysgu sut i godio drwy ddefnyddio iaith cyfrifiaduron.
Wrth i godio ddod yn rhan o’r cwricwlwm ar draws y DU,
gall micro:bit fod yn ffordd hwyliog, hawdd a chreadigol
o gael disgyblion i ddefnyddio cod. Bydd hefyd yn eu helpu i ddatblygu
eu sgiliau digidol a’u hysbrydoli ar gyfer y dyfodol.
Nawr, peidiwch â phoeni os nad ydych chi’n hyderus yn godio.
Fe alla i egluro.
Gadewch i ni gymryd golwg fwy manwl.
Darn o galedwedd yw’r micro:bit.
Chi sy’n rheoli pryd y gall wneud rhywbeth,
a bydd hynny’n digwydd drwy sgwennu rhaglen gyfrifiadurol gyda chod.
Meddalwedd yw hynny.
Mae MakeCode gan Microsoft yn un
o’r adnoddau mwyaf poblogaidd sydd ar gael i raglennu micro:bit
ac mae’n gwbl addas i ddechreuwyr.
Pan fydd eich cod yn barod, anfonwch e
o’ch cyfrifiadur i’r micro:bit gydag un clic.
Mae mor syml â hynny ac yn barod i fynd.
Rydw i wedi defnyddio fy micro:bit
i wneud i ddewisydd gweithgareddau
ddewis rhwng chwe gweithgaredd ar hap.
(cerddoriaeth fywiog)
Ry’n ni wedi creu gêm “carreg, papur siswrn” drwy ddefnyddio micro:bit.
[Pawb] Carreg, papur, siswrn.
Rydw i wedi creu adnodd bywyd gwyllt sy’n cofnodi faint o adar
a wiwerod rydw i wedi’u gweld - drwy ddefnyddio fy micro:bit.
Dros y blynyddoedd diwethaf,
mae’r micro:bit wedi rhaglennu
stwff go bwysig hefyd.
O gylchdroi telesgop yn Arsyllfa Jodrell Bank,
i droi’r goleuadau ymlaen yn Nhŵr Blackpool.
Cafodd micro:bit y BBC ei greu
nôl yn 2015 pan roddwyd miliwn micro:bit
i blant mewn ysgolion uwchradd.
Ers hynny, mae saith miliwn a hanner o micro:bits
wedi eu creu, ac mae tua 42 miliwn plentyn
mewn mwy na 60 gwlad wedi eu defnyddio.
Bellach, mae’r micro:bit yn lansio mewn ysgolion cynradd
ar draws y DU, gan dargedu plant wyth i 11 oed.
Gall athrawon cynradd yn y DU gofrestru i dderbyn pecyn
o 30 micro:bit am ddim - ac o wneud hynny, agor byd hollol newydd
o ddysgu ac antur drwy godio.
Rydym am i athrawon deimlo’n hyderus
bod gennych gefnogaeth i ddefnyddio’r micro:bit yn eich ystafell ddosbarth.
Bydd hyfforddiant ar gael am ddim
gan y Sefydliad Addysgol micro:bit
a hyfforddiant mwy penodol gan bartneriaid ar draws y wlad.
Ac mae yna lwythi o brosiectau codio hawdd
a chynlluniau gwersi ar gael
ar wefan y Sefydlliad Addysgol micro:bit.
Yn ogystal â bod yn dipyn o hwyl,
bydd y micro:bit yn helpu athrawon
i fodloni amcanion y cwricwlwm
ar gyfer sgiliau digidol a thechnoleg,
fel creu mewnbynnau ac allbynnau cod,
datblygu sgiliau canfod ‘bygs’ a chreu algorithmau.
Gall y micro:bit gael ei ddefnyddio mewn gwersi trawsgwricwlaidd hefyd.
Dewch o hyd i ysbrydoliaeth ar-lein – mae digonedd
o brosiectau hawdd ar gael
ar wefan y Sefydliad Addysgol micro:bit,
a bydd adnoddau newydd gwych
ar gael gan y BBC ym mis Medi.
Iawn, sut mae cael gafael ar rai o’r
peiriannau bach codio yma?
Wel, yr unig beth sydd angen i chi wneud ydy cofrestru
gan ddefnyddio’r ddolen isod i dderbyn eich pecyn
o 30 micro:bit am ddim i’ch ysgol chi.
Beth am i’ch ysgol chi fod yn ysgol micro:bit?
(micro:bit yn gwneud sŵn pingio)(cerddoriaeth fywiog)
BBC micro:bit – cyfle i blant greu cod
BBC micro:bit – cewri codio yw ein hymgyrch newydd sbon fydd yn rhoi cyfle i blant rhwng 8 ac 11 oed ddatblygu sgiliau digidiol i ddeall y byd o’u cwmpas ac i siapio eu dyfodol.
Cyfrifiadur clyfar, maint poced yw’r micro:bit sydd wedi ei ddylunio i ysbrydoli plant i feddwl yn greadigol wrth greu cod go iawn. Bydd modd defnyddio’r micro:bits i addysgu sgiliau digidol ar draws y cwricwlwm. Y nod yw gwneud codio yn hwyl, yn greadigol ac yn gyffrous i ddisgyblion ac athrawon.
Mae’r micro:bit yn gwneud dysgu gwybodaeth adeiladol am gyfrifiaduron yn weithgaredd gyraeddadwy a dilys. Bydd hi’n bosib codio’r micro:bit i synhwyro golau’r haul, i gyfri camau ac i greu helfa drysor gyffrous. Bydd cyfle i blant gael hwyl yn ei ddefnyddio i greu gemau megis ‘carreg, papur, siswrn’ neu hyd yn oed larwm tun bisgedi digrif.
Byddwn yn cynnig hyfforddiant ar-lein ac wyneb yn wyneb i athrawon ar sut i ddefnyddio’r micro:bit. Bydd adnoddau ychwanegol yn cael eu creu hefyd i gyd-fynd â rhaglenni arbennig fydd yn cael eu darlledu nes ymlaen eleni.
Pam fod athrawon wrth eu boddau â’r micro:bit?
Mae Matt Moore, Arbenigwr Cyfrifiaduraeth Cynradd yn Green Lane and Priestley Academy Trust, wedi bod yn defnyddio micro:bits gyda’i ddosbarthiadau fel rhan o gynllun peilot.
Dywedodd: “Mae’r plant yn fy ysgol wrth eu boddau yn defnyddio’r micro:bit. Rydyn ni wedi bod yn eu defnyddio yn ein gwersi cyfrifiaduraeth i greu prosiectau hwyliog, yn ogystal â mewn gwersi trawsgwricwlaidd eraill gan gynnwys Daearyddiaeth, Gwyddoniaeth ac Addysg Gorfforol.
“I athrawon sy’n newydd i‘r micro:bit neu’n ansicr o dechnoleg - does dim angen poeni. Mae llawer o fideos hawdd eu dilyn ar y wefan sy’n egluro popeth – ac mae yna fideos ar gyfer dechreuwyr llwyr. Mae’r micro:bit yn ffordd hawdd o gychwyn codio sy’n rhoi canlyniadau da.”
I gael rhagor o wybodaeth am sut bydd y BBC yn casglu eich data, darllenwch ein Hysbysiad Preifatrwydd.
Gwybodaeth am y micro:bit
Dysgwch bopeth sydd angen i chi ei wybod am y BBC micro:bit.
Cwestiynau Cyffredin
Dewch i gael yr atebion i’ch holl gwestiynau am y micro:bit.
Cyngor ar sut i godio ar wefan MakeCode
Dysgwch fwy am sut i ddefnyddio gwefan MakeCode a’r adnoddau hyfforddi sydd ar gael i’ch helpu.
Cyrsiau hyfforddiant yng Nghymru
Cadwch olwg yma am gyrsiau hyfforddiant rhanbarthol yng Nghymru
Ein partneriaid
Dysgwch fwy am y sefydliadau sy’n cefnogi ein menter micro:bit.
