An Nowodhow - the News in Cornish

Available for over a year

RECORDING 1: Herwydh RNLI Porthysek, yma edhom dhodho a naw kans mil peuns rag gwellhe an komodytys y’n skathti ha rag kedreylya an rannji a-ugh gwerthji an alusen y’n dreveglos dhe stevel para gans komodyta les. Lewydh henavek, Damien Bolton y hanow, a leveris an komodyta gwellhes “ a wrussa ri orthyn harber salow rag an para ha’n woliesigow a dhren ni tre.” Kummyas-towlenna a veu komendys yn dew vil peswar warn ugens ha’n ragdres hwegh dhe eth mis yw towlennys dhe dhalleth y’n kynnyav. Dres an termyn ma an skath-sawya a vydh oberansek dhyworth penn an dreveglos. Yma y’n skathti an skath-sawya klass D, jynn-tenna, hag oll an daffar difresyans personel yw res rag kanasethow dhe’n etek bodhek ow mos y’n mor. TRANSLATION: According to Port Isaac RNLI it needs £900,000 to improve the facilities in the boathouse and to convert the flat above the charity's shop in the village into a crew room with a welfare facility. Senior helmsman Damien Bolton said the improved facility "would give us a safe haven for the crew and the casualties we bring home". Planning permission was approved in 2024 and the six-to-eight-month project is set to begin in the autumn. During this time the lifeboat will be operational from the top of the village. The boathouse houses the D class lifeboat, a tractor, and the personal protective equipment the 18 seagoing volunteers need on missions. RECORDING 2: An hwarvos “In Line of Light” yn Truru an bennseythen usi passyes re beu arghasas gans Gonis Dasanedhi Konsel Kernow. Herwydh Konsel Kernow, moy ages hwegh kans deg ha tri ugens mayni re ygorsa aga darasow dres an Dowlen Homes for Ukraine, ow provia sawder rag moy ages mil, dew kans ha deg ha tri ugens den konstrinys dhe deghes an vresel. Unn restrores an hwarvos, Iryna Crernenko hy hanow, a leveris bos an hwarvos rag leverel meur ras dhe’n gemeneth Kernewek ha kevrenna an wonisogeth Ukraynek gans an gemeneth. TRANSLATION The In Line of Light for Ukraine event in Truro last weekend was funded by Cornwall Council's Resettlement Service. According to Cornwall Council more than 670 Cornish households had opened their doors through the Homes for Ukraine scheme, providing safety for more than 1,270 people forced to flee the war. Iryna Crernenko, an organiser of the event, said the event was to say thank you to the Cornish community and share the Ukrainian culture with the community. RECORDING 3: An bevers o rann a’n kynsa livreson gans kummyas leun a Gernow restrys gans an Trest Godhvewnans Kernow. Herwydh an Trest: “Kynth yw livrys avel kopel, nyns o mewgh vyth i dhe wortos war-barth, ytho hemm yw arwodh a-varr pur yntanus.” Y keworras an skeusennow dhe dhiskwedhes yma’n kopel “owth oberi yn kales” ow trehevel aga hynsa arge, an pyth o “arwodh bosedhek aral ymons ow kodhesa yn arenebedh seulabrys.” An Trest Godhvewnans Kernow a livras dew gopel a vevers orth gwithva natur a’n trest yn Kernow kres, a-ji dhe’n ranndir avonyow Porth ha Fowydh, dalleth mis-Hwevrer. Bevers a dheuth ha bos difudhys yn tir gwyls yn Pow Sows nans yw moy ages peswar kans bledhen. Henn yw oll ahanav vy. Seythen da genowgh. TRANSLATION The beavers were part of Cornwall's first fully-licensed release organised by the Cornwall Wildlife Trust. According to the Trust "Though they are released as pairs, there was no guarantee they would stay together, so this is a really exciting early sign." It added the footage showed the pair were "hard at work" building their first dam, which was "another positive sign that they're settling into an area already". The Cornwall Wildlife Trust released two pairs of beavers at a trust nature reserve in mid-Cornwall, within the Par and Fowey river catchment, at the beginning of February. Beavers became extinct in the wild in England more than 400 years ago. That’s all from me, have a good week. This week’s An Nowodhow was written and read by Kensa Broadhurst and the editor was Steve Harris. Pic: Holywell Bay by Amanda.