An Nowodhow - the News in Cornish

Available for over a year

RECORDING 1: An gover yn Komm yw kevriyas dhe’n Dowr Fala ha wosa glawas poos y treylyas dhyworth gell dhe wynn ha diskler dres nos. Kannas Maynorieth an Kerghynnedh a leveris y predersons bos an disliwans “kelmys orth dowr dhyworth an oberyansow pri gwynn Imerys.” Y leversons yth esa dhe Imerys kummyas rag livresons goredhom a dhowr kyns penn a eth our ha dew ugens a law poos rag gwitha y isframweyth ha Maynorieth an Kerghynnedh a wra hwithra an data gorwolya diskarga rag checkya gostytter gans ambosow an kummyas na. Y leversons “Ni a as aga livresons dowr dhyworth aga oberyansow, ha’n diskargans ma yw gorwolys yn ogas rag soledow kregys – kepar ha’n pri gwynn a wel yn Komm.” TRANSLATION: The stream in Coombe is a contributory to the River Fal and after heavy rainfall turned from brown to white and opaque overnight. A spokesperson for the Environment Agency (EA) said they thought the discoloration was "linked to water from the Imerys china clay operations". They said Imerys had a permit for emergency releases of water within 48 hours of heavy rain to protect its infrastructure and the EA would investigate the discharge monitoring data to check compliance with the conditions of that permit. They said: "We permit their releases of water from their operations, and these discharges are closely monitored for suspended solids – such as the china clay visible at Coombe." RECORDING 2: An ragdres a unn vledhen re beu desinys rag tekhe an eksperyans rag vysytoryon dhe’n gwithti priweythva Leach yn Porthia, fondys gans Bernard Leach ha Shoji Hamada yn mil naw kans hag ugens. Mirva nowydh a vydh gwrys may halsa bos displetys oberennow dhyworth kuntellow erel kepar ha’n Tate, an Gwithti Victoria hag Albert, ha’n Gresen a Art Priweyth yn Evrek. Y leveris kevarwodhores, Libby Buckley hy hanow, bos an spas nowydh rag “pubonan dhyworth konygyon alwesik dhe’n huni ow metya priweyth rag an kynsa termyn.” Dell leveris hi, an spas nowydh a wra gasa vysytoryon dhe dhyski moy a-dro bewnansow an huni a trigas hag oberi orth an Briweythva Leach dres taklow ha kovyow kewsys. TRANSLATION The one-year project was designed to enhance the experience for visitors to the Leach Pottery museum in St Ives which was established by Bernard Leach and Shoji Hamada in 1920. A new gallery will be created in which pieces from other collections such as the Tate, the Victoria and Albert Museum and the Centre of Ceramic Art in York can be displayed. Director Libby Buckley said the new space would be for "everyone from professional experts to those encountering ceramics for the first time". She said the new space would allow visitors to learn more about the life of those that have lived and worked at the Leach Pottery through objects and spoken recollections. RECORDING 3: Finn Hawkins, dhyworth Sen Austel, a dhallathas astelwolya hag ev deg bloodh, wosa ev dhe weles nebonan orth y wul pan wolyas ev gans y das. Yn despit dhe gavos sewena kyns yn kesstrifow yowynksys, yonkers, hag yn-dann tri bloodh warn ugens, Mester Hawkins a leveris na wrug ev nevra “bos ogas dhe vedalen yn ughkesstrif bras.” “Yth esa skoodhyans marthys dhymm dhyworth Golya Bretenek (British Sailing) ha’n Kowethas Lester-Gwari Riel oll a’n termyn; my res eth a-dreus aga hevreyth yn tien a-ban en vy ugens bloodh, i re’m gweresas, ha pur rasek ov,” a leveris Mester Hawkins. Henn yw oll ahanav vy. Seythen da genowgh. TRANSLATION Finn Hawkins, from St Austell, started windsurfing aged 10, after he spotted someone doing it while out sailing with his dad. Despite having previous successes in youth, junior and under-23 competitions, 22- year-old Mr Hawkins said he had never "been close to a medal at a big senior competition". "I've had great support from British Sailing and the Royal Yachting Association (RYA) all the time; I've been through their entire system since I was 11, they've helped me, and I am really grateful", Mr Hawkins said. That’s all from me, have a good week. PRESENTER: Thank you – this week’s An Nowodhow was written and read by Kensa Broadhurst and the editor was Wella Morris. Pic: Truro by Chris Fletcher