Leisa Mererid: 'Colled aruthrol' wedi marwolaeth Mam 'fytholwyrdd'

Available for over a year

Mae'r actores Leisa Mererid wedi son am y sioc o golli ei mam yn sydyn, dim ond ddwy flynedd wedi marwolaeth ei thad ar raglen Beti a'i Phobol. Bu farw Margaret Edwards, oedd yn gyn-arweinydd Côr Betws Gwerful Goch ac yn un o hoelion wyth y byd cerdd dant, fis Rhagfyr 2019. Dywedodd Leisa Mererid bod y golled yn un enfawr iddi hi a gweddill y teulu mor fuan ers profedigaeth fawr arall. "Doedd prin dwy flynedd wedi pasio [ers colli Dad] ac o'n i'n meddwl fasa Mam yn byw am byth," meddai mewn cyfweliad ar Beti a'i Phobol ar BBC Radio Cymru. "Roedd hi'n fytholwyrdd, yn llawn egni, yn iach iawn, felly dim anhwylder arni, felly roedd o'n andros o sioc i'r teulu.