Hen Dric, Gwennan Evans

Available for over a year

Hen Dric Rwy’n siŵr i mi glywed y tap yn rhedeg, sŵn strociau gofalus y rasel a’r brws yn dawnsio’n y dŵr. Arogl coffi wedyn yn fy nenu a chlep y papurau yn swp trwm ar y bwrdd. Mae na bâr o sliperi wrth erchwyn y gwely ac mae rhywun wedi damsgen ar eu cefnau. Ac am un eiliad fach gallaf deimlo’r ochr arall i’r gwely’n gynnes. Hen dric gwael sy’n twyllo a darbwyllo am yn ail ar foreau Sul dioglyd rhwng cwsg ac effro.