Tachwedd gan Osian Rhys Jones

Available for over a year

Os yw Tachwedd ar dy orwel yn ddu a thithau'n gwybod mai pylu pob awr na'r golau, Os yw dy ben yn dy blu rhag gwynebu'r drefn ac os na ydi'r wawr yn ddigon agos i losgi’r cwmwl beichus gwelw, Os gwinga dur y trac o dan sgrech y tren a theithir meddwl fel siwrne yn dod i stop, Os oes crac yn hyn o gread cofia bod na glust yn gwrando o’r tywyllwch, Mae lampau’r tai yn dy wahodd am baned i fod yn dyst nad oes dinas oer heb fynwes mis Mai i’th gynnal di, Os yw’r mis du ar droed, daw’r Gwanwyn eto yn ei dro fel erioed.