Idris Reynolds- Y Bwrdd Brecwast.

Available for over a year

Wrth i'r boreau wawrio yn rhy brysur A chant a mil o dasgau eisiau'u gwneud, Y rhagolygon tywydd yn ddigysur A phethau ar ein meddwl heb eu dweud, Pan fydd y gwaith beunyddiol yn ein llethu Heb weld ymhellach na'n trafferthion mân A phan fo pawb a phopeth wedi'n methu A ninnau'n dal i ganu 'run hen gân, Cawn glywed unwaith eto dros y radio Am erchyllterau draw 'mhellafion byd, Bydd barbareidiwch dynion yn ein sadio Uwchben ein byrddau brecwast cegrwth, mud. Bryd hynny cawn, dros ail gwpanaid te, Am funud fach ystyried be 'di be'.