Idris Reynolds - Rhaglen Geraint Lloyd

Available for over a year

Mae cyfle da i gyfarch gwell Ar Radio Cymru’r traffyrdd pell. Ceir sgwrs a chân o dan y sêr Yng nwasanaethau De La Mere Ac ar y daith mae’n werth cael pôs Wrth yrru drwy donfeddi’r nos. Fe wyddom ni fod gyrrwyr Mans Yn tiwnio mewn ar auto-bahns. Bydd llais o’r stiwdio’n gwmni triw Tu fas i Calais yn y ciw Ac ar yr awyr clywir sôn Am Gymry eraill ar y lôn Yn glustiau i gyd, a’r droed i lawr Er mwyn cael cyrraedd torriad gwawr. Cawn ninnau brofi peth o’r sbri Sy’ nghlwm wrth drwydded HGV, Cawn wynto’r olew fesul cais A newid gêrs rhwng pob un llais Cans bois y lorris o bob oed Sy’n llywio rhaglen Geraint Lloyd