The Taylor fell thro’ the bed

Available for over a year

Ⓖ CONTAINS SOME SCENES OF A SEXUAL NATURE The Taylor fell thro' the bed, thimble an' a', The Taylor fell thro' the bed thimble an' a'; The blankets were thin and the sheets they were sma', The Taylor fell thro' the bed, thimble an' a'. The sleepy bit lassie she dreaded nae ill, The sleepy bit lassie she dreaded nae ill; The weather was cauld and the lassie lay still, She thought that a Taylor could do her nae ill. Gie me the groat again, cany young man, Gie me the groat again, cany young man; The day it is short and the night it is lang, The dearest siller that ever I wan. There's somebody weary wi' lying her lane, There's somebody weary wi' lying her lane, There's some that are dowie, I trow wad be fain To see the bit Taylor come skippin again.