Telyneg neu Soned: Ffoi

Available for over a year

“I've got the children to tend
the clothes to mend…” Aga i’w sgwrio, labeli ysgol i’w pwytho; Pentwr o olchi, ‘Dry Cleaning’ i’w gasglu; Mynd â’r Volvo am ‘valet’, cwrdd â’r nani am baned; Cewyn i’w dynnu, pen-ôl bach i’w sychu; Disgwyl archeb o Tesco, rhoi 'Y Gwyll' i recordio; Cacen Batman i’w phobi, cardiau diolch i’w sgwennu; Coesau i’w siafio a gwefus i’w wacsio; Ebyst i’w gyrru, ffrwd Trydar i’w bori; Gwisgoedd ysgol i’w smwddio, ryg Ikea i’w hŵfro; 'Lean In' i’w ddarllen; a limrig i’w orffen. Law: tyrd i dywallt amdanaf sgubo’r cyfan o’r neilltu; Storm: tyrd i lapio o’m cwmpas Nes bod y cur yn distewi. Mwyaren ac iPhone; llond Moleskine o restrau: A dwi’n gwybod mai fi yw awdur y geiriau; Y tasgau sy’n codi fel tyrrau i unman Yn fy nghlymu i’n dynn yn fy hualau fy hunan. Mari Stevens 9