Telyneg neu Soned: Paratoi

Available for over a year

Rhwng gadael y tŷ a dannedd y gwynt mae darnau o’n siarad yn hongian fel lluniau. Ac wrth wisgo geiriau addas yn y drych, gwelaf ein noson gynta’ yn y dre’ yn gwisgo dillad ein mamau, a gormod o liw a sent… a siarad. Drwy ’nghorff lleda sgwrs arall araf, yr un a fydd rhyngom heddiw dros bamffledi ysbyty du a gwyn. Dwy yn trio torri drwy’r sioc a gwên ofer. Un cip arall cyn gorfod gadael a hanner gweld fy hunan yn fenyw i gyd. Mari George 9.5