Cân Ysgafn: Diarhebion.

Available for over a year

Mae mwnci ’da fi ar y clos, Rwy’n ei fwydo â phî-nyts bob nos, A hyn sydd yn ffaith, Mae e werth dim am waith, Ond jiawch, mae e i weld yn jacôs. Rwy’n bwyta fy mara mewn chwys Drwy weithio yn llewys fy nghrys, Ond mae’r ffermwr drws nesa’ Yn codi gwell porfa Drwy beidio aredig ar frys. Pan fod hi yn arllwys y glaw, Mae menyw sy’n byw dros y claw’ Yn fy ngalw i ati Er mwyn cyfeillachu – Mae’r borfa yn well ’rochor draw. A phan rwyf yn teimlo yn flin Wrth dalu i gadw y Cwîn, Mi donca i’n ddyfal Pob dime’n yr ardal A’u troi nhw i felin fy hun. Emyr Oernant 8.5