le Niall Iain Dòmhnallach

Available for 30 days

'S e glè bheag de dhaoine nach eil a' cur àrachas-siubhail air dòigh nuair a tha'd a' dol air laithean saora. Ach, cluinnidh sinn tric mu shuidheachaidhean far a bheil a' chompanaidh-àrachais a' diùltadh pàigheadh, leis nach robh na thachair mar phàirt den phoileasaidh-àrachais. Dè cho mòr sa tha tuigse againn air an dìon a tha an t-àrachas-siubhail againn a toirt dhuinn? Tha comhairle aig Anna Nic a' Mhaoilein dhuinn. Chaidh innse gu bheilear an dùil sreath telebhisean a chruthachadh a tha stèidhichte air a' gheama coimpiutair fantasach Baldur’s Gate, a th'air a bhith uabhasach soirbheachail. Cha bhith a' chompanaidh a leasaich a' gheama a' sàs anns an t-sreath tele idir, agus tha seo na chùis iomagain dhaibhsan a tha gu math measail air a' gheama. Tha Niall Iain a' bruidhinn ri dithis a tha gu math eòlach air geamannan coimpiutair, 's a tha le chèile gu math dèidheil air a' gheama Baldur’s Gate., agus a cluinntinn am beachdan air mar a dh’fhaodadh an t-sreath obrachadh air an telebhisean. Agus mar phàirt de Sheachdain na Gàidhlig tha Eilidh Cameron-Sykes a' ruith bùth-obrach air loidhne a bhios a' toirt cothrom do dhaoine na h-ainmean Gàidhlig a th'air beanntan na h-Alba ionnsachadh. Tha Eilidh ag innse na bhios na lùib.