le Cathy NicDhòmhnaill.

Available for 27 days

Nochd aithisg air-loidhne air an deireadh sheachdain, a bha faighneachd a bheil dual-chainnt sonraichte New York a’ dol à bith. A bheil ga rìreabh, bheil e gu diofar agus dè tha seo a' ciallachadh dhuinne? Bheil ar dual-chainntean agus ar blasan còmhraidh an impis a dhol à bith ann an Alba? Gach Dimàirt, tha aoighe a' taghadh leabhar à ceàrnaidh sam bith dhen t-saoghal seach Breatann, Aimeireagaidh neo Èirinn, 's air a' sgrìobhadh le neach tùsanach às an dùthaich sin fhèin. An-diugh, tha Iona NicRisnidh air Butter, le Azako Yuzuki à Iapan a thaghadh. Tha fiosrachadh mu òrain Gàidhlig, còmhlain agus seinneadearean ga chuir as ùr, ri làrach-linn an t-seachdain'sa. Tha sinn a' cluinntinn mu Clàr Ùr nan Òran agus mu còmhlan a' chlàr LP anns na 70an, nuair a bha'd nan deugairean. Tha'm BBC a' sireadh dhaoine o air feadh Bhreatann, a tha airidh air urram nan coimhearsnachdan fhèin. Chaidh a chiad iomairt dhen t-seòrsa a chuir air chois an uiridh, bho bhratach Beurla, Make A Difference agus anns a Ghàidhlig, Duaisean Dèan Diofar. Ciamar as urrainn daoine chuir air adhart am bliadhna agus cuine dh' fheumte sin a dhèanamh?