Ynys Enlli

Available for 28 days

Wrth i gyfnod Mari ac Emyr ddirwyn i ben fel wardeiniaid ar Ynys Enlli, mae Aled wedi bod draw i Enlli am sgwrs cyn iddyn nhw adael. Mae'n sgwrsio gyda Colin sy'n rhedeg y cwch draw i Enlli, a'i dad Ernest. Mae Haf Meredydd, warden cyntaf Ymddiriedolaeth Enlli yn ymuno ag o ar y daith dros y Swnt i hel atgofion a thrafod bywyd gwyllt yr ynys. Mari Huws ynghyd a'i phartner Emyr, a'i merch Lleucu sy'n paratoi i adael eu bywyd ar Enlli ac mae'n adlewyrchu ar ei chyfnod fel warden gydag Aled. Ac wrth i Mari adael mae Lois Roberts o Gaerdydd yn camu mewn i rôl y Warden, ac mae Aled yn sgwrsio gyda Lois i edrych ymlaen at yr hyn sydd o'i blaen. Ac mae Aled yn sgwrsio gyda Gareth Roberts sy'n ffermio ar Ynys Enlli, ynghyd a'i wraig, Meriel a'i wyres Ela-Mair.