11/02/2026

Available for 22 days

Brùchdadh-taighe, neo House Burping - dè th' ann? Uill Tha Niall Iain a' cur an dearbh cheist air Mìcheal Klevenhaus. A rèir na meadhanan sòisealta 's e cleachdadh Gearmailteach a th' ann far am bi daoine a' fosgladh dhorsan agus uinneagan airson leigeil leis an taigh brùchdadh! Ach ciamar a tha iad ga dhèanamh agus carson? O chionn beagan sheachdainean chaidh Nigella Lawson ainmeachadh mar bhritheamh ùr air Great British Bake Off. Tha Nigella a-nis sna seasgadan ach tha i ga cumail fhèin fut le bhith dèanamh ioga trì tursan san t-seachdain. Dè a tha cho tarraingeach mu ioga? Tha dithis a tha cheart cho dèidheil air 's a tha Nigella còmhla rinn: Jenni NicUilleam agus Lisa Annette. Tha na naidheachdan air a bhith air ghoil an t-seachdain sa le naidheachdan mu Gheamaichean Oilimpigeach a' Gheamhraidh, ach dè na sgeulachdan a tha air a bhith glachadh aire sgioba Feasgar, agus a bheil iad air càil às ùr ionnsachadh?