le Cathy NicDhòmhnaill

Available for 5 days

'S iomadh ceist a thathas an dèidh togail mu cheangalan eadar Na h-Eileanan an Iar - is Comhairle nan Eilean air taic a chuir ri ceangal-rathaid eadar na Hearadh is Uibhist, agus eadar Uibhist is Barraigh. Bidh gu leòr dhaoine a' togail air na h-Eileanan Fàrach - eadar Sealtainn is Innis Tìle - mar eisimpleir a thaobh thunailean is eile. Ach a bheil sin fìor? Tha Cathy a' cluinntinn bho thriùir a tha eòlach air a' cheist is an dùbhlan sa: an Comh. Coinneach MacLeòid, an t-eòlaiche innleadaireachd Murchadh Moireach, agus Alasdair MacEachainn a tha air iomadach turas a ghabhail do na h-Eileanan Fàrach. Dè luach a th' ann am fuinn nan salm? Le clasaichean fuinn a' tòiseachadh ann an Sgìre a' Bhac, tha Cathy a' bruidhinn ri feadhainn a tha eòlach air a' chuspair agus a' faighneachd dhaibh dè na h-adhbharan a tha iad fhèin a' faicinn as fhiach cuimhne a chumail air fuinn nan salm. Dè a' ghnothaich a th'aig cleoc ri deireadh-shaoghail? Tha buidheann de luchd-saidheans air cùl rud ris an canar an "Doomsday Clock" - ach dè dìreach a th' ann? Tha an t-eòlaiche saidheans Iain MacAonghais ga mhìneachadh dhuinn. Agus le beagan frionais sna margaidhean mu luach is prìs an airgid is an òir, tha Coinneach MacMhathain - a bha iomadh bliadhna na bhancair is na eòlaiche ionmhais - a' mìneachadh carson a tha na margaidhean mòra a' cur luach ann am meatailtean prìseil eadhon ann an linn an AI!