le Niall Iain Dòmhnallach

Expires on Saturday 10:25pm

Do dhaoine a chaill peataichean agus a chaidh tro bhròn, chan eil e na iongnadh sam bith gun toir seo droch bhuaidh air slàinte agus slàinte inntinn. Tha Calum MacAmhlaigh agus Mairead NicDhòmhnaill air peataichean a chall, agus tha iad ag innse mar a dhèilig iad ris a’ bhròn agus ris an ionndrainn. Tha Meta air dearbhadh gu bheil iad an dùil fo-sgrìobhaidhean ùra (subscriptions) a dhearbhadh air na meadhanan sòisealta aca, a bheireas cothrom dòighean sònraichte a chleachdadh, innealan cruthachail nas adhartaiche a' chleachdadh agus barrachd chomasan AI. Ged a chumas na dreachan bunaiteach orra a bhith saor, bidh roghainnean pàighte ann dhaibhsan a tha ag iarraidh barrachd smachd agus comasan a bharrachd. Saoil an e seo an t-slighe air adhart do na meadhanan sòisealta le barrachd Ai a’ nochdadh? Dè bhiodh e a' ciallachadh do dhaoine a tha cleachdadh na cunntasan aca bho là gu là? Tha an neach-eòlaiche teicneòlais Dòmhnall Dòmhnallach a’ dol a mhìneachadh barrachd.