08/01/2026

Available for 27 days

Tha torr a bharrachd dhaoine a’ ceannachd leabhraichean romansachd, ‘s na h-aireamhean a tha gan reic a’ sìor-dhol am meud anns na beagan bhliadhnaichean a dh’fhalbh. Carson a tha iarratas cho mòr ann? An e gu bheil gnè ùr ann air a bheil ‘Romantasy’, no a bheil daoine a' dèanamh barrachd leughadh mar chur-seachad? Tha cuid ag ràdh gur e buaidh an ‘lipstick effect’ a tha seo; aig amannan nuair a bhios cùisean a’ coimhead dubhach san t-saoghal mhòr, bi cuid a’ sireadh toileachas ann a rudan beaga. Tha Alix Aburn agus Fiona Rennie iad fhèin gu math dèidheil air a bhith a’ leughadh ‘s iad gu bhith còmhla ri Niall Iain airson meòrachadh air carson a tha leabhraichean romansachd cho tarraingeach. Ged a tha am Blidhn' Ùr seachad a-nis, tha leth-shùil fhathast air 2025 agus tha dùil againn sgrìob a ghabhail tro‘ na prògraman as fhèarr a chòrd ri Marie NicMhathain air a bhliadhna a chaidh.