Sawirro: Sida reer Ciraaq ula tacaalayaan kulaylka kontonka digrii dhaafay

Shacabka reer Ciraaq ayaa ku dadaalaya sidii ay isku qaboojin lahaayeen maadaama oo heer kulka guud ahaan gobolka Bariga Dhexe aad u kordhay.

Magaalo madaxada Baqdaad ayaa lagu soo waramayaa in heer kulku gaadhay Salaasadii 52C, taas oo noqonaysa halkii ugu sarraysay ee uu gaadho abid.

Arbacadii ayaa la sheegayaa in kulku hoos ugu soo dhacay 51C.

Maxay Daacish weli u baacsanayaan carruurta qowmiyadda Yazidi-ga?

Waa tuma Shamima Begum, gabadha lagala noqday sharciga Britain ee IS ka midka ahayd?

Dad badan ayaan guryaha ka soo bixin, badhtamaha magaalada Baqdaadna dadka qaarkood ayaa isku qaboojinayey tuushash ama xamaamyo macmal ah.

Heer kulkan xad dhaafka ahi wuxuu culays dheeraad ah sii saaray adeegyada aasaasiga ah ee dalka oo markooda hore ba iska liitay.

Koronto la'aanta ayaa dad badan oo reer Baqdaad ah ku dirqiday in ay adeegsadaan mishiinno si ay dab ugu helaan marawaxadaha iyo AC-yada.

Haweenay Ciraaq ka timid oo damacsan kursiga Ilhaan Cumar

Xaaladan ayaa dhalisay cadho mug leh, waxaanay dib u bilaabmay mudaharaadadii dhawaanahan dhacayey.

Ugu yaraan laba qof oo mudaharaadeyaal ah ayaa Salaasadii dhintay, waxaanu ururka xuquuqda aadanaha u dooda ee Ciraaq sheegay in dad ka badan 20 oo kale ay ciidamada nabad gelyadu dileen.

Dalkaa waxa kale oo saameeyey hoos u dhaca qiimaha saliidda ee sayladaha dunida tan iyo intii safmarka fayraska korona bilaabmay.

Sida ay muujinayso xogta Jaamacadda Johns Hopkins safmarkani wuxuu ku dhacay 118,000 qof oo reer Ciraaq ah halka 4603 kalena u dhinteen.