Trump oo ku baaqay in doorashada Mareykanka dib loo dhigo

Tebin toos ah

1. 30 Luulyo 2020War deg deg ah, Trump oo ku baaqay in dib loo dhiga doorashada Mareykanka

   Madaxweynaha Mareykanka Donald Trump ayaa ku baaqay in dib loo dhiga doorashada madaxtinnimadadalkaasi ee 2020, isagoo sabab uga dhigay inay jiri karta wax isdaba marin dhinaca codadka boostada, inakstoo aysan jirin caddeymo muujinaya walaaca Trump

   Ka bood X boggan

   Oggolow X macluumaadka

   Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

   Aqbal horayna u soco

   Digniin: BBC macluumaadka ku qoran bog kale masuul kama ahan

   Dhammaadka X boggan

2. 30 Luulyo 2020Xukunka weriye Gurbiye oo la cambaareeyay

   

   Xigashada Sawirka, Gurbiye

   Hay’adda u dooda xuquuqda aadanaha ee Human Right Watch ayaa sheegtay in dacwada loo haysta Weriye Cabdicasiis Gurbiye ee uu ku muteustay xarig lix bilood ah ay tahay mid liddi ku ah “heshiisyada caalamiga ah ee xuquuda aadanaha” ee ay Soomaaliya saxiixday.

   “Heshiisyadaasi waxa ay bari yeelayaan xaqa ay dadku u leeyihiin inay dhaleeceeyaan masuuliyiinta dowladda iyo hay’adaha dowliga ah” ayay tiri Laetitia Bader oo ah cilmi baare ka tirsan Human Right Watch

   Maxkamadda gobolka Banaadir ayaa xukun lix bilood oo xarig ah ku riday Gurbiye oo ah tifaftiraha warbaahinta maxaliga ah ee Goobjoog.

   

   Xigashada Sawirka, Reuters

   14 bishii April ayay booliska u yeereen Gurbiya ka dib markii uu bartiisa Facebook ku soo qoray qoraal uu ku dhaleeceynaya qaabka ay dowladdu uga jawaabtay Covid19.

   Agaasimaha Goobjoog sheegay in sababta loo heystay weriye Gurbiye ay ahayd in uu aflagaadeeyay madaxweynaha Soomaaliya, arrintaas oo ilaa iyo hadda aysan ka hadlin madaxda dowladda federaalka.

   "Go'aanka wuxuu ahaa mdi cadaalad darro oo aan sharciga loo marin, garsooraha wuxuu xukumay wax uusan aqoon u lahayn, mana la ixtiraammin xeerarka wadanka u yaala sida xeerka saxaafadda, wuxuu na ahaa go'aan cagajugleyn ah, mana lasoo bandhigin wax caddeyn oo ka dhan ah eedeysanaha", ayuu yiri agaasimaha warbaahinta Goobjoog Xassan Maxamud Maxamed oo la hadlayay BBC-da.

3. 30 Luulyo 2020Qofkii aan maaskara xirnayn waa laga saari doonaa aqalka wakiilada Mareykanka

   Hogaamiyaha Aqalka wakiilada Mareykankaayaa amar ku bixisay in dhammaan xubnaha ka tirsan Aqalka Wakiilada iyo shaqaalaha ay xirtaan maaskarada iyadoo tirada dadka u dhintay faryraska korona ee dalkaasi ay hadda gaartay 150,000

   Nancy Pelosi waxa ay ka dhigtay qofkii ku xadgudbaa amarkaasi laga saari doono dhimsha Aqalka.

   Go’aankan ayay qaadatay ka dib markii xildhibaan ka tirsan Aqalka Wakiilada Louie Gohmert, oo ka tirsan xisbiga Jamhuuriga oo aan xiran jirin maaskarada laga helay cudurka covid19 Arbacadii.

   Waxaa lagu waday inuu maalinkaasi safar la gala madaxweyne Donald Trump.

   

   Xigashada Sawirka, Getty Images

4. 30 Luulyo 2020Nin dilay daanyeer naadir ah oo 11 sano oo xariga ah lagu xukumay

   Nin dilay mid ka mid daanyeerada naadirka ee ku nool buuraleyda ayay maxkamad ku taalla Uganda ku xukuntay 11 sano oo xabsi ah

   Felix Byamukama ayaa qirtay dambiga ah inuu si sharci darro ah u galay goob la ilaaliyo iyo dilka daanyeerkaasi caanka oo lagu magacaabi jiray Rafiki

   Byamukama ayaa horay u sheegay inuu iska difaacayay daanyeerka oo soo weeraray taasoo keentay inuu toogto.

   Daanyeerada ku nool buuraha ayaa la aaminsanyahay inay ka mid yihiin duurjoogta khatarta ugu jirta inay dabar go’aan waxaana la sheegay in 1,000 xabbo oo kali ah ay dunida ku soo hartay.

   Waaxda Duurjoogta Uganda ayaa sheegtay in Rafiki uu helay caddaalad.

   

   Xigashada Sawirka, GANDA WILDLIFE AUTHORITY

5. 30 Luulyo 2020Sharciga cusub ee Masar ee ka mamnuucaya milatariga inay siyaasadda galaan

   

   Xigashada Sawirka, Getty Images

   Madaxweynaha Masar Cabdil Fataax Al Siisi ayaa saxiixay sharci ka mamnuucaya masuuliyiintii horay uga tirsanaa milatariga inay u tartmaaan madaxtinnimada ama baarlamaanka iyagoo aan fasax ka heysan golaha sare ee milatariga.

   Waxaa sidoo kale laga mamnuucay inay ku biiraan axsaabta siyaasadda.

   Dadka dhaliishan sharcigan ayaa sheegay in Siisi uu arrintani uga gol leeyahay inuu ku hubiya in xubna ka tirsanmilatariga aysan ku dhiiranin loolan siyaasadeedoo isaga ka dhan ah.

   Sanadii 2018 ayay ahayd markii taliyihii hore ee milatariga dalkaasi Sami Anan xabsiga loo taxaabay markii ay miltariga ku eedeeyeen inuu doonyay inuu u tartama doorashada madaxtinnimada isaga oo aan idim u haysan