Gabadh ka tirsanaan jirtay milatariga oo wajaheysa eedeymo culus

Tebin toos ah

24 Luulyo 2020Gabadh ka tirsanaan jirtay milatariga oo wajaheysa eedeymo culus
Xigashada Sawirka, PA Media
Qoraalka sawirka, Lisa waxay ka tirsanaan jirtay ciidamada difaaca Ireland
Haweeney horay uga tirsanaan jirtay ciidamada difaaca ee dalka Ireland, oo lagu eedeeyay inay xubin ka tahay ururka Islaamiga ah ee IS, ayaa wajaheysa dacwado dheeraad ah.
Lisa Smith, oo asalkeeda kasoo jeedda deegaanka Dundalk ee gobolka Louth, ayaa loo heystaa inay dhaqaale ku taageereysay koox argagixiso ah, sidoo kalena ay xubin ka ahayd.
Gabadhan 33 jirka ah ayaa maanta oo Jimce ah kasoo hor muuqatay maxkamadda degmada Dublin.
Dacwadda cusub ayaa la xiriirta lacag la sheegay inay dirtay sanadkii 2015-kii oo gaareysa €800 (£728), iyadoo adeegsaneysay bangiga Western Union.
Ms Smith ayaa u safartay Suuriya in ka badan siddeed sano ka hor, dabayaaqadii sanadkii lasoo dhaafay ayaana dib loogu soo celiyay Ireland.
Garsooraha maxkamadda ayaa oggolaaday inay Lisa dammaanad ku joogto bannaanka.
Waxaa la filayaa inay mar kale maxkamadda kasoo hor muuqato Jimcada dambe.
24 Luulyo 2020Xabaal wadareed cusub oo laga helay Suudaan
Xigashada Sawirka, Getty Images
Qoraalka sawirka, Xabaal wadareed
Dowladda Suudaan ayaa shaacisay in la helay xabaal wadareed cusub oo la rumeysan yahay in dadka lagu aasay 1990-kii.
Xeer ilaaliyaha guud ayaa sheegay in xabaal wadareedka laga helay haraadiga 28 qof oo ka mid ahaa ciidamada milatiriga.
Waxaa la rumeysan yahay in saraakiishaas ay qeyb ka ahaayeen afgembi fashilmay oo la doonayay in xilka looga tuuro madaxweynihii hore ee dalkaas Cumar Al-Bashiir.
Xigashada Sawirka, AFP
Qoraalka sawirka, Cumar al-Bashiir wuxuu xukunka qabsaday 1980-kii
Iskudayga afgembigaas ayaa dhacay 1990-kii.
Madaxweyne Cumar Al-Bashiir oo xukumayay Sudan muddo soddon sano ah ayaa xukunka lagaga tuuray dibadbaxyo dadweynahu dhigeen sanadkii hore.
24 Luulyo 2020Shiinaha oo albaabbada isugu dhuftay qunsuliyadda Mareykanka
Xigashada Sawirka, Getty Images
Dowladda Shiinaha ayaa amar ku bixisay in la xiro qunsuliyadda uu Mareykanku ku leeyahay magaalo ku taal koonfurta galbeed ee Shiinaha - oo la yiraahdo Chengdu.
Shiinuhu wuxuu uga jawaabayaa amarkan tallaabo uu Maraykanku horey u qaaday oo lagu xiray qunsuliyadda Shiinaha ee ku taalla Maraykanka.
Xigashada Sawirka, Getty Images
Dowladda Shiinaha waxay sheegtay in go’aankan uu yahay "jawaab lagama maarmaan" u ah tallaabada Mareykanku ku xiray qunsuliyadda Shiinaha ee ku taalla magaalada Houston.
Xoghayaha Arrimaha Dibada ee Maraykanka Mike Pompeo ayaa u sababeeyay go’aanka Mareykanka in Shiinahu ku kacay arrimo "xatooyo".ah.
Xiisada u dhexeysa Shiinaha iyo Mareykanka ayaa sare u kacday iyada oo labada dal ku muransan yihiin arrimo ay ka mid yihiin ganacsiga, Korona fayras iyo xeerka amni ee muranka dhaliyay ee Shiinuhu kusoo rogay Hong Kong.
24 Luulyo 2020Kenya oo beenisay in Wasiirka Arrimaha Gudaha la dhigay Isbitaalka
Xigashada Sawirka, NATION MEDIA GROUP
Qoraalka sawirka, Matiang'i ayaa beeniyay inuu ku dhacay Corona
Wasaaradda Arrimaha Gudaha ee Kenya ayaa beenisay in uu isbitaal ku jiro Wasiirka Arrimaha Gudaha Fred Matiang'i.
Waxay been-abuur ku sheegtay warar la isla dhexmarayay oo sheegayay in wasiirka Isbitaal la dhigay.
Warar ku faafay baraha bulshada ayaa sheegay in Wasiiirka Arrimaha gudaha ee Kenya la jiifyay qaybta xaaladaha culus ee isbitaal ku yaal magaalada Nairobi.
Wasiirka ayaa safar ku marayay qaar ka mid ah gobolladda Kenya kahor inta aan wasiirrada dowladda looga digin safarada aan lagama maarmaanka ahayn.
Warbaahinta gudaha Kenya ayaa soo tabisay in saraakiil dhowr ah laga helay fayraska korona.
24 Luulyo 2020Dad ka barakacay fatahaadaha ku dhuftay Afgooye
Kumannaan qof oo ka barakacay fataahadda webiga Shabelle ee deegaannada Afgooye ayaa sheegaya in aan weli la gaadhsiin gurmadka ay u baahanyihiin.
Dowladda Soomaaliya ayaa maalin ka hor sheegtay in lacag nus milyan dollar ah ay si degdeg ah u gaadhsiin doonto deegaannada ay daadadku ku aafeeyeen.
Axmed Abukar (Axmed Taangi) oo ka mid ah dadka ku barakacay fataahaddaas Afgooye, ayaa sida xaaladdoodu tahay uga warramay weriyaha BBC Xasan Sheekh Cumar.
Qoraalka Codka, Daadadka saameeyay Afgooye
24 Luulyo 2020Aayaa Soofiya oo dhawaan loo baddalay masaajid oo maanta markii ugu horreysay lagu tukanayo salaad jamaaca ah
Xigashada Sawirka, Getty Images
Qoraalka sawirka, Matxafkan loo baddalay masaajid wuxuu dhismihiisu mar ahaa kaniisadda ugu weyn dunida
Waxaa maanta markii ugu horraysay muddo 86 sano ah salaad jamaaco ah lagu oogayaa masaajidka taariikhiga ah ee Aayaa Soofiya ee magaalada Istanbul oo ahaan jiray matxaf, haatan se maxkamadda dalka Turkigu burisay qaraakii waagaa matxafka lagaga dhigay.
Arrintan ayaa ay aad ugu riyaaqeen shacabka dalkaas badankooda iyo Muslimiinta dunidu. furitaanka masaajidka waxa kale oo dheer in maanta oo 24 July ah oo si ula kac ah loogu beegay furitaanku ay tahay maalin taariikh gaara u leh Turkiga.
“Muslimiinta wey faraxsan yihiin, qofkasta wuxuu doonayaa inuu ka qeyb galo furitaanka” waxaa sidaas yiri barasaabka Istanbul, Cali Yerlikaya.
Madaxweyanaha Turkiga Recep Tayyip Erdogan ayaa shaaca ka qaaday in dhismahan qaddiimiga ah ee loo baddalay masaajidka si rasmi ah maanta loogu tukan doono salaadda jimacaha.
Xigashada Sawirka, Reuters
Qoraalka sawirka, Madaxweyne Erdogan wuxuu sheegay in maanta si rasmi ah salaadda jimcaha loogu tukan doono Aayaa Soofiya
24 Luulyo 2020
Kulan wacan saaxibbayaal kusoo dhawaada tebinta tooska ah oo aan idiin kuugu soo gudbinno wararkii ugu dambeeyay soomaalida iyo caalamka.