Ruushka oo weerarro cusub ku qaaday Ukraine

Tebin toos ah

Fatuma Maalim

1. 25 Maajo 2025Xabi Alonso oo noqday maamulaha Real Madrid

   

   Xigashada Sawirka, Getty Images

   Real Madrid ayaa weerar-yahankii hore Xabi Alonso u magacowday maamule kadib qandaraas saddex sano ah oo ay galeen.

   Alonso, oo 236 u ciyaaray Real Madrid, ayaa horraantii bishan ku dhawaaqay inuu isaga tegi doono xilkiisa tababarenimada Bayer Leverkusen dhammaadka xilli-ciyaareedka.

   Ninkan oo ahaa weerar-yahankii Liverpool iyo Spain, ayaa qandaraaskiisu dhacayaa June 30, 2028, wuxuuna beddelay Carlo Ancelotti.

   Alonso oo kasoo jeeda Talyaaniga ayaa sanadkii 2014 koobka Champions League u suurto-geliyay inay ku guuleysato Real.

   Horraantii bishan Ancelotti ayaa Alonso ku tilmaamay mid ka mid ah xiddigaha cayaartoyda ee ugu fiican.

2. 25 Maajo 2025Kaniini laga yaabo inaad in badan isticmaashay oo 'khatar ku ah beerka'

   Waxaa laga helaa farmashiyeyaasha iyadoo uusan dhaqtar qorin, kaniinigan pracetamol-ka waa mid ka mid ah dawooyinka aadka looga isticmaalo adduunka.

   Dalka Mareykanka, waxaa lagu qiyaasaa in sanadkii la iibiyo ilaa 49,000 oo tan, amaba in 298 kaniini ah ay sanadkii kusoo aadeyso qofkiiba.

   Dalka UK, celcelis ahaan 70 xabbo oo kaniinigan ah ayaa qofkii kusoo aada sanadkii.

   Inkastoo qarniyo la yaqaannay kaniinigan, haddana weli si qoto dheer uma aysan baarin saynisyahannada.

   Sii akhri.....

3. 25 Maajo 2025Doomo ku qallibmay Kenya iyo howlgal samatabixin oo socda

   

   Xigashada Sawirka, Social

   Howlgallo samatabixin ah ayaa laga sameeyay ismaamullada Kilifi iyo Lamu ee gobolka Xeebta, dalka Kenya kadib markii saddex doonyood ay ku rogmadeen meelo kala duwan.

   Bayaan ay soo saartay Sabtidii, ayay Laanqeyrta Cas ee Kenya, ku xaqiijisay dhacdadan, waxayna shaaca ka qaadday subaxnimadii hore.

   Labo ka mid ah saddexda doon ayaa lagu waayay Kilifi.

   "Saddex shil oo doon ah ayaa saaka laga soo sheegay - Vidazini iyo Mnarani oo ka tirsan Kilifi iyo Mutuni oo ka tirsan Lamu," Kenya Red Cross ayaa sidaa sheegtay.

   Bayaanka, Laanqeyrta Cas ee Kenya waxay ku faahfaahisay in kooxdeeda ay ku dhiirratay xaalad adag oo dhanka badda ah si ay u badbaadiyaan dhowr qof oo la socday doonyaha markii ay degeen.

   Si kastaba ha ahaatee, ma aysan shaacin tirada dadka la soo badbaadiyay iyo kuwa weli maqan.

4. 25 Maajo 2025Lacag intee la eg ayaa qofka bini'aadmiga ah farxad galin karta?

   Waxaa laga yaabaa inay wax iska caadi ah tahay in lacagtu ay kordhiso farxadda. Hase ahaatee, marka baahiyaha aasaaska ay dhammaadaan wax waliba dhanka kale ayuu isu rogaa.

   Xiriirkeenna shucuureed ee dakhliga, deynta iyo khasaaruhu waa wax aad u cakiran oo ay adag tahay in erayo kooban lagu qeexo.

   Dabcan shaki kuma jiro in lacagtu ay awood ballaaran leedahay oo ay lug ku yeelan karto go’aannada dadku qaataan iyo falalkoodaba, taasina waa hab dhibaatooyinka loo xalliyo oo shaqeeya, gaar ahaan xilliyada adag.

   Waa waxa “u suurta galiya dadka inay ku noolaadaan nolol wanaagsan” ayuu kusoo koobay Jan-Emmanuel De Neve oo ah barfasoor cilmiga dhaqaalaha iyo dabeecadda ka dhiga Jaamacadda Oxford.

   Sii akhri.....

5. 25 Maajo 2025Soomaaliya oo digniin u dirtay kalluumeysatada iyo dadweynaha

   

   Xigashada Sawirka, Radio Muqdisho

   Wasaaradda Kalluumeysiga iyo Dhaqaalaha Buluugga ah ee dowladda federaalka Soomaaliya ayaa waxay soo saartay digniin ku aaddan badda.

   Wasaaradda ayaa warsaxaafadeed ay soo saartay dadka uga digtay xilliga ay baddu kacsan tahay inaysan gelin.

   Digniintan ayaa ku socota dhammaan kalluumeysatada iyo guud ahaan dadweynaha, waxayna wasaaraddu intaa raacisay inay ka dhalan karto khatar nafeed iyo doomaha badda ku sugan.

   Xilliyada ay baddu kacsan tahay ayaa waxaa dhacda inay dadka qaar ku dhintaan sidoo kalena ay doonyuhu qallibmaan.

6. 25 Maajo 2025Ruushka oo weerarro cusub ku qaaday Ukraine

   

   Xigashada Sawirka, Reuters

   Ugu yaraan 12 qof ayaa ku dhintay tobnaan kalena way ku dhaawacmeen guud ahaan dalka Ukraine kadib weerarro habeennimo ah oo ay fuliyeen diyaaradaha aan duuliyaha lahayn ee Ruushka iyo gantaallada, sida ay sheegeen saraakiisha gobolka iyo kooxaha gurmadka degdegga ah.

   Saddex carruur ah ayaa lagu dilay Zhytomyr, galbeedka Kyiv, nin 70 jir ah ayaa lagu dilay koonfurta magaalada Mykolaiv, sida laga soo xigtay adeegga degdegga ah ee gobolka.

   Waxay ku soo beegantay maalin uun ka dib markii caasimadda Ukraine ay la kulantay mid ka mid ah weerarradii ugu cuslaa tan iyo markii uu bilowday duullaanka Ruushka.

   Weerarradii Sabtidii, oo ay ku dhinteen 13 qof guud ahaan dalka Ukraine, ayaa ku soo beegmaya iyadoo dadaallo diblomaasiyadeed oo lagu soo afjarayo dagaalka ay sababeen in maxaabiis la is dhaafsado, balse Ruushka ayaa iska dhego tiray baaqyada xabbad-joojinta.