WHO: Qasa waxa ka jirta gaajo ku-talo-gal ah

Tebin toos ah

Nimaan Osman

1. 24 Luulyo 202550 qof oo la socday diyaarad lagu waayay Ruushka oo lga cabsi qabo in ay dhammaantood dhinteen

   

   Diyaarad rakaab ah oo ay leedahay Antonov An-24 oo sidday ku dhawaad 50 qof ayaa ku burburtay bariga fog ee Ruushka maalintii Khamiista, ayaa laga cabsi qabaa in dhammaantood ay dhinteen, sida ay sheegeen saraakiisha adeegga degdegga ah ee Ruushka.Guddoomiyaha gobolka ayaa sheega in ay socdaan baadhitaanno.

   Waaxda u qaabilsan degdegga ah ee maxalliga ah ayaa sheegtay in diyaaradda oo ay maamulaysay shirkad diyaaradeed oo fadhigeedu yahay Siberiya oo lagu magacaabo Angara, ay ka baxday shaashadaha Raadaarka xilli ay ku sii jeedday goobtii ay ku socotay ee Tynda, oo ah magaalo ku taalla gobolka Amur oo xuduud la leh Shiinaha.

2. 24 Luulyo 2025Xaaska madaxweynaha Faransiiska oo si kulul ugu dagaallantay dacaayado sheegaya in ay nin ahaan jirtay

   

   Xigashada Sawirka, EPA

   Madaxweynaha Faransiiska Emmanuel Macron iyo Marwada Kowaad ee dalkaasi Brigitte ayaa Arbacadii maxkamad Mareykan ah u gudbiyay dacwad sumcad dil ah oo ka dhan ah muuqaal-sameeye garabka midig ah oo la yidhaahdo Candace Owens.

   Dacwadda oo laga gudbiyay Delaware ayaa sheegaysa in Owens ay aflagaado kula kacday Brigitte Macron oo ku tilmaantay in asalkeedii hore ay nin ahaan jirtay.

   Waxa ay ku doodeen in Owens ay faafisay been si ay u ceebaynayso marwada qaranka oo ay gaadhsiisay adduunka oo dhan si ay u hesho daawasho iyo taageerayaal.

3. 24 Luulyo 2025Maxay Barcelona ku falaysaa laacib kooxdiisaba boos ka waayay?

   

   Xigashada Sawirka, Getty Images

   Laacibka xulka qaran ee Ingiriiska iyo kooxda Manchester United, Marcus Rashford ayaa si amaah ah ugu biiray kooxda Barcelona oo uu u dheelli doono muddo sannad ah.

   Marcus Rashford ayaa ku jiray qaab-ciyaareed aan fiicnayn in muddo ah.

   Ha se ahaatee, kooxda Barcelona oo aan sannadkii la soo dhaafay caqabad ku qabin dhinaca gool-dhalinta ayaa xiddigan ugu aragta saxeex muhiim ah.

   In kasta oo ay diyaar u ahaayeen inay bixiyaan lacagta badan ee ee ay qaataan Williams iyo Diaz waxay sidoo kale faa'iido dhaqaale u arkaan Rashford.

4. 24 Luulyo 2025Waa imisa tirada askarta Israa'iil kaga dhimatay dagaalka Qasa?

   

   Afhayeenka Israa'iil David Mensar oo warfidiyeenka la hadlaya ayaa hadalkiisa ku bilaabay in uu aad uga xun yahay askarta Israa'iil ee la dilay.

   Wuxuu intaas ku daray in laga bilaabo Oktoobar 7, 2023, 895 qof ay dhinteen.

   Tan iyo markii uu bilowday dagaalka Qasa waxa la diiwaangeliyay burbur xooggan, dhimasho iyo dhaawac iyada oo aan weli xal loo helin xabbad-joojin laga gaadho dagaalka.

5. 24 Luulyo 2025Maydka la nooga keenay UK ma aha wiilkeennii

   

   Xigashada Sawirka, How to Pat

   Qoyska nin ka mid ah dadkii ku dhintay shilkii diyaaradeed ee ka dhacay dalka Hindiya ayaa BBc-da u sheegay in mayd looga keenay dalka Ingiriiska aanu ahayn wiilkoodii.

   Mitel Patel oo sidoo kale shilkaasi ku wayday aabbaheed aaa sheegtay in ay ku noqotay arrin layaab leh markii ay dhacdadan la kulantay.

   The Daily Mail aya aku warramaysa in maydad qaldan loo diray qaar ka mid ah qoysaska ay baxeen dadkii ku dhintay shilkii diyaaradeen.

6. 24 Luulyo 2025Iiraan: Cidna uma oggolin in ay soo aragto xarumaha nuclear-ka

   

   Xigashada Sawirka, Askin Kiyagan/Anadolu Agency/Getty Images

   Wasiir-ku-xigeenk arrimaha dibadda ee Iiraan, Kazem Gharibabadi ayaa sheegay in koox farsamo oo ka socota hay'adda quwadda atoomikada (IAEA) oo dhawaan booqan doona Tehraan.

   Waxa uu sheegay in aan loo oggolaan doonin in ay soo arkaan xarumaha barnaamijka nuclear-ka.

   Mr. Gharibabadi oo ku sugan New York ayaa sheegay in Iiraan ay oggolaatay booqasahda waftigan farsamo oo laga yaabo in ay Tehraan tagaan lbada ilaa saddex todobaad gudahood.

7. 24 Luulyo 2025Askarta Thailand iyo Cambodia oo isku rasaaseeyay xuduud lagu muransan yahay

   

   Xigashada Sawirka, AFP

   Ciidammada Thailand iyo Cambodia ayaa lagu soo warramayaa in subaxnimadii saaka ay rasaas isku waydaarsadeen xuduudda ay wadaagaan.

   Labada dhinac ayaa mmidba kan kale ku eedeeyay in uu xabadda bilaabay.

   Arrintan ayaa imanaysa maalmo kaddib markii Thailand ay u yeedhatay danjiraheedii Cambodia, kaddib qarax miino oo dhaawacay askari Thailand u dhashay oo ku sugnaa soohdinta.

   Isku dhaca ayaa weli socda.

8. 24 Luulyo 2025WHO: Qasa waxa ka jirta gaajo ku-talo-gal ah

   

   Xigashada Sawirka, Reuters

   In ka badan 100 hay'adood oo caalami ah iyo ururrada ka shaqeeya arrimaha gargaarka ayaa ka digay gaajo baahasan oo ka dillaacda Marinka Qasa, iyaga oo ugu baaqay waddamadu in ay tallaabo qaadaan.

   Ururka Dhakhaatiirta aan xuduudda lahayn ee MSF iyo hay'adaha Save the Children iyo Oxfam ayaa ka mid ah kuwa soo saaray bayaan wada jir ah oo arrimahan ay kaga hadlayaan.

   Israa'iil oo iyadu maamusha dhammaan gargaarka galaya Marinka Qasa ayaa diidday bayaanka ay soo saareen hay'adaha gargaarka iyada oo ku tilmaantay boronbogaando loo samaynayo Xamaas.