You’re viewing a text-only version of this website that uses less data. View the main version of the website including all images and videos.
Cismaan Dubbe oo BBC-da u sheegay in uu iska casilay baarlamaanka Soomaaliya
Senetor Cismaan Dubbe oo ka tirsanaa Aqalka Sare ee baarlamaanka Soomaaliya Jamhuuriyadda Federaalka Soomaaliya. ayaa sheegay in uu iska casilay.
Waraysi gaar ah oo uu suuyay BBC-da ayaa sheegay in sidoo kale uu ka tanaasulay qadiyadda midnimada Soomaaliya oo uu ka mid ahaa siyaasiyiinta u ololeeya.
Xarunta Golaha Shacabka ee Villa Hargaysa waxaa kulan wadajir ah oo aan caadi ahayn ku leh labada Gole ee Barlamaanka Soomaaliya kaas oo uu dalbaday madaxweynaha Soomaaliya Xasan Sheekh Maxamuud.
Wariyaha BBC-da ee Muqdisho Ibraahim Maxamed Aadan oo ku sugan xarunta ayaa soo sheegaya in xildhibaanada labada aqal ay ku sugan yihiin hoolka lana sugayo inuu fadhiga khudbad ka jeediyo madaxweynaha.
Waxaa la filayaa in madaxweyne Xasan Sheekhu u Baarlamaanka kala hadli doono aqoonsiga Israa’iil ee Soomaaliland.
Dowladda Soomaaliya ayaa tallaabadaas si adag ugu hortimid iyadoo xiriiro diblomaasi ah oo aan loo kala kicin madaxweynaha iyo wasiirka arrimaha dibadda Soomaaliya la lahaayeen dhowr iyo afartankii saac ee la soo dhaafay dalalka saaxiibka la ah Soomaaliya oo taageero u muujiyey dowladda.
Kuwani waa qaar ka mid ah sawirada xarunta Villa Hargeysa naga soo gaaray.
Fadlan isha ku hayn BBC Somali.
Mid ka mid ah madaxda la soo doorto ee Maraykanka ee saamaynta leh ayaa madaxweynaha Maraykanka Donald Trump ka dalbaday in aqoonsi heer waddan la siiyo Somaliland oo tan iyo 1991 baadigoob ugu jirto inay ictiraaf hesho.
Ted Cruz oo ah mudane ka tirsan xisbiga Jamhuuriga ee uu madaxweynahana ka tirsan yahay, lagana soo doorto gobolka Texas wuxuu codsigiisa u diray qoraal uu ku bilaabay sidii Somaliland ay madaxbanaanideeda ku qaadatay 1960 iyo hadda halka ay taagan tahay.
"Somaliland waxay noqotay saaxiib muhiim u ah Maraykanka dhinaca amniga iyo diblomaasiyadda, taasoo ka caawinaysa Maraykanka horumarinta danaha amniga qaranka ee Geeska Afrika iyo meelo kaleba. Waxay ku taal meel istaraatiiji ah oo ah gacanka Cadmeed, iyadoo u dhow mid ka mid ah marinnada badda ee ugu mashquulka badan adduunka. Waxay leedahay ciidamo hubaysan oo tayo leh, waxayna gacan ka geysataa la dagaalanka argagixisada iyo hawlgalada burcad badeeda ee gobolka" ayuu yiri Cruz.
Isagoo ku salaynaya codsigiisa siyaasadaha Maraykanka ee gobolka ayuu soo qaatay Ted Cruz xiriirka Taiwan iyo Somaillamd u dhaxeeya, siu u uga dhaadhiciyo Maraykanka in Somaliland ay u noqon karto bahwadaag sax ah.Halkan ka sii akhriso
Martin Ødegaard ayaa dhaliyay goolkiisii ugu horreeyay ee xilli ciyaareedka si uu uga caawiyo Arsenal inay ka adkaadaan Brighton isla markaana dib ugu soo laabtaan kaalinta koowaad ee Premier League – balse goolhayahooda ayaa ahaa kan sameeyay daqiiqaddii ugu xusuusta badnayd ee ciyaarta.
Iyadoo kooxda Gunners, ay ku hoggaamiyaan kulanka 2-1, wax cajiiba ayey ahayd 15-ki idaqiiqo ee ugu dambaysay garoonka Emirates, ciyaaryahanka Yankuba Minteh ayaa wadnaha istaajin gaaray Arsenal markii kubad xirfadleh ku laaday shaqaba Arsenal taas oo u muuqatay inay ku aadanayd shaqaba basle gool ilaahayaha Gunners ayaa sameeyey badbaadin noqotay rajadii xalay ee ciyaarta.
Tallaabo hore u qaad David Raya. Xiddiga xulka Spain ayaa soo bandhigay awood jirdhis oo cajiib ah isaga oo kubbadda ka dul tuuray xariiqda goolka si uu uga hortago Brighton bar bar dhac la galaan kooxdiisa.
"Waxay wax layaableh," ayuu yiri tabaraha Arsenal, Mikel Arteta, u sheegay Sky Sports. "Waxaan lahaa aragti fiican oo ku saabsan."
"Taasi waa waxa aan ka rabno ciyaartoyda, waxaan u baahanahay bandhigyo noocaas ah marka ay timaado daqiiqadaha muhiimka ah."
Ciyaaryahankii hore ee England, Alan Shearer, oo ka faallooday Match of the Day, ayaa badbaadintaas ku tilmaamay "mid ka mid ah kuwa ugu wanaagsan ee aad xilli ciyaareedkan arki doontaan".
"Waxaad arki doontaa ciyaartoyda Arsenal oo dhan inay si toos ah Raya ugu tageen si ay ugu mahadceliyaan maxaa yeelay waxay ahayd badbaadin weyn oo lagu sameeyay marxalad muhiim ah oo ciyaarta ah," ayuu isna yiri Andy Reid.
Madaxweynihii hore ee Soomaalilaan Muuse Biixi Cabdi ayaa ka mid ah dadka ka falceliyey xaalka aqoonsiga Soomaalilaan. Isaga oo ka sheekeeyey halkii u ku sugnaa markii uu soo gaadhayey warka ku saabsan aqoonsigu.
"Madaxweynuhu waxa uu igu yidhi Ictiraafkii baa diyaar ah ee soo orod, oo kabo la'aan ayaaban ku soo orday' ayuu yidhi Madaxweyne Muuse, isaga sheegaya in xilligaas uu war uga yimi Madaxweynaha hadda xilka haya ee Soomaalilaan oo xaaladdan darted ula soo hadlay.
Ka hor shalay abbaaro casarkii intii aan Israel iyo Somaliland ku dhawaaqin go'aankooda isaqoonsi, madaxweyne Cirro ayaa madaxtooyada Somaliland ugu yeedhay madaxdii hore ee Somaaliland iyo qaybo ka mid ah haldoorka bulshada.
Madaxweyne Muuse Biixi ayaa ka mid ahaa dadkii xilligaas madaxtooyada Somaliland tegay.
Weerar culus oo habeenimo oo Ruushku ku qaaday Ukraine ayuu sheegay madaxweynaha Ukriane Volodymyr Zelensky in taasi muujisay in ‘Ruushku uusan rabin nabad,’ xilli isagu isku diyaarinayo wareeg cuusb oo wadahadallo nabadeed ah.
Zelensky ayaa hadalladan jeediyay isagoo ku sii jeeday Florida, halkaas oo uu Axadda kula kulmi doono Madaxweynaha Mareykanka Donald Trump si ay uga wada hadlaan qorshe nabadeed oo cusub oo ka kooban 20 qodob, kaas oo ay ku heshiiyeen ergooyin Mareykan iyo Ukrainian ah.
Weerar gantaallo iyo diyaarado drone ah oo socday 10 saacadood, kuna wajahnaa caasimadda Ukraine, ayaa sababay dhimashada laba qof halka 32 kalena ay ku dhaawacmeen, sida ay sheegeen mas’uuliyiinta maxalliga ah.
Burburka gaaray kaabayaasha tamarta ayaa sababay in 40% guryaha la deggan yahay ee Kyiv iyo degmooyinka ku dhow ay waayaan adeegsiga diirimadka, sida uu sheegay Wasiirka Horumarinta Ukraine Oleksiy Kuleba
Wasaaradda difaaca ee Ruushka ayaa sheegtay in hubka riddada dheer loo adeegsaday bartilmaameedka xarumaha tamarta, kaas oo ay sheegtay in loo isticmaalay "danta Ciidamada Qalabka Sida ee Ukraine iyo shirkadaha dhismaha militariga iyo warshadaha Ukraine".
Qoraal uu soo dhigay Telegram, Zelensky wuxuu sheegay in Ruushku uu ku weeraray Kyiv ku dhowaad 500 diyaarado drone ah iyo 40 gantaal, kuwaas oo beegsaday kaabayaasha tamarta iyo kuwa rayidka.
Sawirro ayaa muujiyay burbur waaweyn oo ka muuqda dhismayaasha dabaqyada ah iyo guryo dab qabsaday kadib weerarrada.
