Geasagan
Nam biodh sgioba eathair a' dol gu iasgach a' sgadain gu h-àraidh, agus air an t-slighe chun a' ghrunn iasgaich gu faiceadh iad closach caora, is i a' falbh leis an t-sruth, bha iad a' gabhail sin mar droch chomharra, comharra air mì-shealbh.
Bhiodh na caoraich a' cromadh chun nam pallaichean airson faighinn gu feur gorm is tric gu leòr chan fhaigheadh iad an uairsin às. Mur a faiceadh duine iad a dhèanadh cobhair orra, tric bhiodh iad a' dol le na creagan no a' bàsachadh far a robh iad.
Aodach
Lùireach
Chante lùireach de chòta ri seann chòta robach no aodach robach sam bith.
Mandalach
Nam biodh aodach obrach no aodach nach robh ro ghrinn no ro ghlan aig duine chante gur e aodach mandalach a bh' ann.
Lampaichean
Sìnteag / Buaic
Chante sìnteag ri siofag ann an Uibhist a Tuath, agus chante buaic ri siofag ann am Muile. Faodar buaic a chleachdadh airson cèir coinneal cuideachd.
Bho Dhòmhnall Eardsaidh Dòmhnallach, Uibhist a Tuath agus an t-Òban
Ann an Sgalpaigh na Hearadh chante "bilean an làin" ris an làn-mara mar a tha i ag èirigh suas agus "cridhe muir-tràigh" ri stad an tràigh.
BBC iD
BBC iDStiùireadh a’ BhBC
Ceangalaichean BBC
BBC © 2014Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.
