Help / Taic

Facal Oirbh, BBC Radio nan Gàidheal, 03 Màrt 2009

  • Tuilleadh às a' phrògraim seo 
  • 1
  • 2
  • 3
  • 4
  • 5

Àirne Mhoire

Àirne Mhoire

Ged is ann às a' Charibbean a tha iad seo, tha iad rin lorg corra uair air tràighean an taobh an iar, gu h-àraid an dèidh stoirm. Gheibhear feadhainn aca cho beag ri leth-òirleach ach feadhainn eile suas gu dà òirleach a leud.

'S e coltas cnò shleamhainn dhorch phurpaidh a th' orra, ach gheibhear iad le cumaidhean eadar-dhealaichte. Bhiodh iad aig boireannaich nan làimh nuair a bhiodh iad a' faighinn pàiste oir bhathas a' creidsinn gun toireadh iad neart dhaibh airson am pàiste a thoirt don t-saoghal.

Bhite a' leigeadh airgead annta, croisichean airgid, agus gan ceangal mun amhaich. Bha 'd mar amulets, gu h-àraidh dha boireannaich, dìreach mar a bha a' mhaighdealag, slige bhrèagha, cowrie. Bidh boireannaich air feadh an t-saoghail a' cleachdadh na slige tha seo timcheall air an amhaich, mar paidirean, agus tha an t-ainm Gàidhlig a' dol air ais gu pàirt dìomhair de chorp boireannaich.

Bha an t-slige air a cleachdadh airson cuideachadh le boireannach clann a thoirt dhan t-saoghal.

Euslaintean is Ìocshlaintean

Foinnean

Teasach an t-siataig

Nuair a bha màthair Fhionnlaigh nan nighinn bhig bha i le teasach an t-siataig agus bha ceàrd ann am Barabhas air an robh Seonaidh.

Chaidh seanair Fhionnlaigh, athair a' nighean, a shealltainn air Seonaidh agus thuirt e feuchainn oirre pigean sàile bho sruth an lìn-mhòir agus sin air a mheasgachadh le botal uisge-bheatha gun a thruailleadh.

Chaidh sin mar uisge-beatha ruspaig a chuir air corp na tè a bha a' fulang le teasach an t-siataig. Fhuair i seachad air.

Bho Fhionnlagh MacLeòid

Foinneachan

Am foinne mun iath a' ghlac
Is nèarach mac òg air am bi
Am foinne mun iath a' bhròg
Is nèarach bean òg air am bi.

Ma tha foinne air do làimh, se deagh rud a tha sin mas e gille a th' annad agus mas e caileag a th' annad 's e deagh rud a tha ann foinne a bhith air do chois, air a falach leis a' bhròig.

BBC © 2014Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.