Iurii Samoilov

English

Daw Iurii o’r Wcráin a chafodd ei radd Meistr o’r Academi Cerddoriaeth Cenedlaethol gydag anrhydedd, wedi astudio gyda Roman Mayboroda. Bu’n fyfyriwr gwadd hefyd yn Academi Opera Cenedlaethol yr Iseldiroedd ac yn aelod o’r Opera Studio Nederland yn Amsterdam. Mae wedi cymryd rhan mewn sawl academi a phrosiect fel Academi Solti Te Kanawa ac Accademia Rossiniana (Pesaro), Academi Mozart (Aix-en-Provence) a’r Prosiect Cantorion Ifanc (Salzburg).

Ymhlith y gwyliau a’r theatrau y mae Iurii wedi perfformio ynddynt mae Teatro Real Madrid, Theatr Bolshoi Moscow, Opera Cenedlaethol yr Iseldiroedd, Theater Basel, Gŵyl Salzburg, Gŵyl Opera Rossini, Gŵyl Operadagen Rotterdam, Opera Dinas Vilnius, Concertgebouw Amsterdam, y Royal Albert Hall a Frankfurt Alte Oper.

Mae’n aelod ensemble yn Opera Frankfurt lle gwnaeth ei berfformiad cyntaf fel Marcello (La Bohème), Dandini (Cenerentola), y brif ran yn Don Giovanni, Conte (Le Nozze di Figaro), Enrico (Lucia di Lammermoor) a’r brif ran yn Eugene Onegin, ymysg eraill. Y tymor nesaf yma bydd yn canu Guglielmo (Così fan tutte) a Ned Keene (Peter Grimes) yn Frankfurt ac yn dychwelyd i Theatr y Bolshoi Moscow yn rôl deitl Billy Budd.