Ariunbaatar Ganbaatar

English

Graddiodd Ariunbaatar ym Mhrifysgol Celfyddydau a Diwylliant Gwladwriaeth Mongolia.

Yn 2011, enillodd 24ain Gystadleuaeth Canu Rhyngwladol Glinka ym Moscow gan ennill gwobr i’r bariton gorau yn y gystadleuaeth a gwobr arbennig Pavel Lisitsian. Yn 2011, urddwyd Ariunbaatar yn artist anrhydeddus Mongolia, statws a roddwyd gan Arlywydd Mongolia. Yn 2014, enillodd wobr gyntaf yn nhrydedd Gystadleuaeth Canu Rhyngwladol Muslim Magomaev ym Moscow. Ers hynny bu’n unawdydd i Theatr Opera a Bale Gwladwriaeth y Buryat yn Ulan-Ude, Rwsia.

Yn 2015, enillodd Ariunbaatar y wobr gyntaf (Medal Aur) a’r Grand Prix yn y bymthegfed Gystadleuaeth Tchaikovsky Ryngwladol. Ac yn 2015 hefyd, yn syth wedi’r gystadleuaeth honno, gwahoddwyd Ariunbaatar i berfformio yn y Carnegie Hall yn Efrog Newydd. Yn 2015, perfformiodd Ariunbaatar yn Theatr y Bolshoi ym Moscow, Rwsia ac yn Neuadd Cadogan yn Llundain, Lloegr, ac yn yr un flwyddyn perfformiodd Aria Yeletsky o Queen of Spades Tchaikovsky ym Mhalas Buckingham.

Yn 2016, perfformiodd ran Escamillo (Carmen) a’r Barwn Scarpia (Tosca) yn Theatr Marinsky yn St Petersburg, Rwsia. Perfformiodd Ariunbaatar yn Yerevan, Armenia hefyd ar gyfer 60fed Cynulliad Cyffredinol Ffederasiwn Cystadlaethau Cerddoriaeth Rhyngwladol y Byd.