Nadezhda Karyazina
Mezzo soprano o Rwsia, 30 oed
Ganwyd Nadezhda ym Moscow ac astudiodd yn Academi Celfyddydau Theatrig Rwsia yn y ddinas, gan ddilyn cwrs ar theatr gerddorol. Wedi graddio dechreuodd astudio yng Nghanolfan Opera Galina Vishnevskaya ac wedyn yn Rhaglen Artistiaid Ifanc Theatr y Bolshoi.
Yn 2012, dechreuodd ganu gydag Opera di Roma a Theatr Genedlaethol Latfia. Yn yr un flwyddyn enillodd ail wobr yn y Gystadleuaeth Ganu Ryngwladol yn Savonlinna a 3edd wobr yng nghystadleuaeth Operalia. Arweiniodd hyn at wahoddiad personol gan Placido Domingo i ganu mewn cyngherddau yn Beijing a Hwngari, a pherfformio gydag ef a Jose Carreras yn y Cyngerdd “Nadolig ym Moscow”. Am ei pherfformiad yn rhan Charlotte yn Werther dyfarnwyd yr “Österreichische Musiktheaterpreis” iddi yn adran “Artist Ifanc Gorau 2014”.
O 2013 i 2015 bu Nadezhda’n aelod o Raglen Artistiaid Ifanc Jette Parker yr Opera Brenhinol. Yn ystod y cyfnod hwn perfformiodd rannau’n cynnwys Maddalena (Rigoletto), Mercédès (Carmen) a Rosette (Manon) ymysg eraill. Yn 2015 ymunodd â’r Ensemble yn yr Hamburg Staatsoper lle mae ei rolau’ncynnwys Rosina, Cherubino, Olga a Suzuki. Yn Chwefror gwnaeth ei hymddangosiad cyntaf yn Festival Opera Seland Newydd fel Carmen.
Repertoire
| Main prize rep | Concert 1 | |
|---|---|---|
| Fia dunque vero – O, mio Fernando | La favorita | Donizetti |
| Près des remparts de Séville | Carmen | Bizet |
| Una voce poco fa | Il barbiere di Siviglia | Rossini |
| Song prize | Recital | |
|---|---|---|
| L’amante spagnuolo | Donizetti | |
| Polo | 7 Canciones Populares Españolas | Falla |
| Johnny | Cabaret songs | Britten |
| Song of the Gypsy | Op 60 No 7 | Tchaikovsky |
| In the silence of the night | Op 4 No 3 | Rachmaninov |
| Schmerzen | Wesendonck-Lieder | Wagner |
