Ffeithiau difyr am y daith

ENGLISH

• Mae angen llenwi 45 o focsys mawr i gludo holl gyfarpar ac offerynnau BBC NOW. Mae angen chwe bocs dim ond i gludo'r gwisgoedd cyngerdd!
• Bydd BBC NOW yn cludo dros 260 o offerynnau pan fyddant yn mynd ar daith.
• Gyda'i gilydd mae'r cyfarpar a'r offerynnau'n pwyso 3.5 tunnell – sy'n cyfateb i 3,500 bag o siwgr!
• Yn ystod y daith dair wythnos, bydd y gerddorfa'n teithio am 80 awr i wneud yn siŵr eu bod yn cyrraedd pob cyngerdd a gweithdy mewn pryd - mae hynny dros dri diwrnod!
• Yn ystod y tair wythnos, bydd BBC NOW yn teithio 17, 171 o filltiroedd - sydd yr un faint â cherdded Llwybr Arfordirol Cymru 19 o weithiau.
• Mae hyn yn golygu un cur pen mawr i Andy, Rheolwr Gweithrediadau a Logisteg BBC NOW!

• Byddant yn gweithio gyda 29 o ysgolion i roi hyfforddiant cerddorol i fwy na 1000 o blant
• Gweithio mewn chwe thref ym Mhatagonia, sef Trevelin, Esquel, Trelew, Gaiman, Rawson a Puerto Madryn
• Bydd cerddorion BBC NOW yn gweithio gyda phum cerddorfa ieuenctid a chymunedol
• Bydd Osian, rheolwr corws BBC NOW, yn gweithio gyda chwe chôr (gan gynnwys Côr Ieuenctid Cenedlaethol Cymru)
• Bydd Andy Pidcock a cherddorion BBC NOW yn arwain 14 o weithdai i ddisgyblion mewn ysgolion arbennig
• Bydd Grant Llewellyn yn rhoi dosbarthiadau meistr ar arwain
• Bydd Catrin Finch yn rhoi dosbarthiadau meistr ar y delyn
• Bydd cerddorion BBC NOW yn perfformio chwe gwaith, sef tri pherfformiad anffurfiol, Noson Lawen, a dau gyngerdd Gala
• Bydd Catrin Finch yn perfformio ar drên La Trochita
• Bydd y gerddorfa gyfan yn perfformio dau gyngerdd gala