Kang Wang

English

Mae Kang yn fab i gantorion opera proffesiynol sy’n hanu’n wreiddiol o Harbin, China, ac enillodd ei Ddiploma Artist Rhyngwladol mewn Opera yn y Royal Northern College of Music, gan gwblhau ei radd Meistr mewn Astudiaethau Cerddoriaeth yn Queensland Conservatorium Prifysgol Griffith yn Awstralia. Mae ar hyn o bryd ar ei ail flwyddyn yn Rhaglen Ddatblygu Artistiaid Ifanc Lindemann.

Y tymor diwethaf canodd Kang rôl Elvino yng nghyd-gynhyrchiad y MET a Juilliard o La Sonnambula Bellini. Gwnaeth ei ymddangosiad cyntaf i’r tŷ yn nhymor 2016/17 fel Narraboth yn Salome yn y Met. Cyn hynny bu’n aelod o’r stiwdio opera “OperAvenir” yn Theater Basel yn y Swistir yn nhymor 2014/15, a pherfformiodd yn y Corws Meibion [The Rape of Lucretia]. Canodd Romeo [Romeo & Juliette] yn IVAI Montreal yn 2016, Don José [La Tragédie de Carmen] yn IVAI Virginia yn 2014, a Nemorino [L’elisir d’amore] yn y Royal Northern College of Music. Yn y Queensland Conservatorium canodd Rinuccio [Gianni Schicchi] a Tom Rakewell [The Rake’s Progress].

Daeth Kang yn ail yng Nghystadleuaeth Ganu’r Dallas Opera Guild yn 2016 ac enillodd Wobr Dewis y Bobl. Enillodd Wobr Dewis y Bobl hefyd yng Ngwobrau Canu Cenedlaethol Dame Joan Sutherland ac enillodd Wobr Opera Clonter ym Mhrydain yn 2014. Ymhlith ei berfformiadau i ddod mae rolau gyda’r Opera Metropolitan, Lensky [Eugene Onegin] gyda Cherddorfa Symffoni Queensland, Alfredo [La Traviata] gydag Opera Cenedlaethol Cymru a Rodolfo [La Bohème] gydag Opera Austin, Texas.