John Chest

English

Graddiodd John yn Stiwdio Opera’r Bayerische Staatsoper lle canodd dros 80 o berfformiadau. Cynhaliodd brentisiaethau gydag Opera Santa Fe a Theatr Opera Chicago, a chymerodd ran yn Rhaglen Opera Merola.

Yn 2010 enillodd John Gystadleuaeth Ganu Ryngwladol Stella Maris, a gwobr Arleen Auger yn 2012. Roedd yn aelod o’r ensemble yn y Deutsche Oper Berlin tan 2016 gan chwarae rolau oedd yn cynnwys Billy Budd mewn cynhyrchiad newydd gan David Alden; Valentin [Faust], Ford [Falstaff], Silvio [Pagliacci], Figaro [Il barbière di Siviglia], Papageno [Die Zauberflöte], Gugliemo [Così fan tutte] ac Il Conte Almaviva [Le Nozze di Figaro].

Ymhlith rhannau eraill a gymerwyd yn ddiweddar mae Albert [Werther] (Théâtre des Champs-Elysées), Nick Carraway [The Great Gatsby] (Staatsoper Dresden), Don Giovanni (Opera Nantes), Marcello [La Bohème] (Washington National Opera), Fritz [Die Tote Stadt] (Nantes a Nancy), ynghyd â Nardo [La finta giardiniera] a Demetrius [A Midsummer Night’s Dream] (y ddau yn Aix-en-Provence), Eddie yn Greek, a Ned Keene [Peter Grimes]. Mae John yr un mor frwd dros ganu celfydd a bydd yn dychwelyd i Wigmore Hall y tymor yma yn dilyn datganiad cyntaf llwyddiannus yn 2013.

Ymhlith uchafbwyntiau tymor 2016-7 mae rhan y Conte [Le nozze di Figaro] gydag Opera Philadelphia, Nick Carraway (Dresden) a dychwelyd at rôl Billy Budd yn Berlin. Yn y dyfodol bydd yn chwarae rhannau mawr yn Glyndebourne, Teatro Real Madrid, Teatro Municipal Santiago a’r Bayerische Staatsoper Munich.