"Roedd hi'n fenyw ryfeddol, yn awdur hyd at flaenau ei bysedd" - Bethan Mair.

Mae teyrngedau wedi eu rhoi i'r llenor a'r prifardd Eigra Lewis Roberts a fu farw yn 86 oed. Yn enedigol o Flaenau Ffestinog, ysgrifennodd ddegau o gyfrolau yn cynnwys nofelau, straeon byrion, llyfrau i blant, cofiannau a dramâu. Enillodd sawl un o brif wobrau'r Eisteddfod Genedlaethol - y Fedal Ryddiaith ddwywaith, Tlws y Ddrama, a'r Goron. Caiff ei chofio hefyd fel awdur y ddrama deledu boblogaidd 'Minafon' ar S4C yn yr wythdegau.