An Nowodhow - the News in Cornish

RECORDING 1:
Provier kesrosweyth re omdennas dhyworth ragdres skoodhys gans an governans dhe dhri bond ledan uskissa dhe arenebedhow powek a Gernow.
Wildanet, hag usi selys yn Lyskerrys, a leveris y hwrussa an ervirans kales dhe lehe y ober Ragdres Gigabyt in rannow a’n soth west ha Kernow kres, awos kressyans kostys a vri.
An kowethyans a leveris re junsa a-dro dhe dredhek mil dew kans a anedhow orth bond ledan gigabyt galosek, mes ny allsa y dhelivra orth amkan derowel a nownsek mil dew kans ha hanterkans a anedhow.
Omdennans Wildanet re gawsyas bernyow a eseli senedh Kernow.
An hwegh oll a skrifas lyther dhe’n Menester rag Salowder Skians Kreftus ha Warlinen, Kanishka Narayan y hanow, dh’y bysi a ynia dhe herdhya yn mes bond ledan gigabyt dhe’n anedhow na via hwath junys.
An eseli senedh a leveris y hwrussa termynyow heb gonis kawsys gans Awel Goretti ughboytnya an kudynnow junyadowder Kernow.
Leveryas rag Asran Skians, Nowedhyans ha Teknologieth a leveris aga bos seulabrys yn keskussulyansow gans ken provioryon.

TRANSLATION:
An internet provider has pulled out of a government-backed project to bring faster broadband to rural areas of Cornwall.
Wildanet, which is based in Liskeard, said that it had made the difficult decision to reduce its Project Gigabit work in parts of the south west and central Cornwall, due to significantly increased costs.
The company said it had connected about 13,200 properties to gigabit-capable broadband, but would no longer be able to deliver it to the original target of 19,250 premises.
Wildanet's withdrawal has sparked concerns from Cornwall’s MPs.
All six of wrote a letter to AI and Online Safety Minister Kanishka Narayan which urged him to "prioritise the roll-out of gigabit-capable broadband" to the properties which had not yet been connected.
The MPs said lengthy outages caused by Storm Goretti had highlighted Cornwall’s issues with connectivity.
A spokesperson for the Department for Science, Innovation and Technology said that they were already in discussions with alternative suppliers.

RECORDING 2:
Ponsfordh-leski hag a jun kres an dre Pennsans dh’y borth re beu removys rag may fova eylafinys.
Garan hwegh kans ha hanterkans y boos a lyftyas Pons Ross war skath hir dew ugens meter y hirder Dy’Lun eus passys.
An skath hir a wra kemeres an pons-leski dhe lestriva sygh yn Aberfala rag eylafinans arbenigerek, hag y fydh dehwelys dhe Bennsans kyns Pask.
Pons rag tro a vydh ynstallys mes degeans fordh a vydh res hag ev ow pos drehevys.
Lydia Knight dhyworth Cormac neb usi owth omgemeres an ober a leveris bos res a fenester kewar ha studh mor gwiw rag may hwrello an skath hir an viaj a-dro dhe’n Lysardh yn salow.

TRANSLATION
A road swing bridge connecting Penzance town centre to its harbour has been removed so it can be refurbished.
A 650-tonne crane lifted Ross Bridge on to a 40m barge on Monday
The barge will take the swing bridge to a dry dock facility at Falmouth for specialist refurbishment and then it will be returned to Penzance by Easter.
A temporary bridge will be installed but will require road closures while it is built.
Lydia Knight from Cormac who is undertaking the work said that both a weather window and a suitable sea state were needed so that the barge can make the journey around the Lizard safely.

RECORDING 3:
Re beu dhe’n Ragdres Eden lemmyn moy es pymp milyon warn ugens a vysytyoryon a-ban ygoras y dharasow yn 2001 – ha dhe verkya y bympes pennbloodh warn ugens, y helwis onan a’y vystytyoron a-varra dhe dhos arta der y dharasow.
Rosie Johns a dheuth yn kynsa prys dhe Ragdres Eden dres drehevyans a’n biomys pan o hi eth bloodh, hag y leveris an ombrevyans dhe enowi tan yn hy holon rag natur ha shapya kemmys a’y bewnans.
Dhe verkya an pols pennbloodh, Johns a vetyas gans kes-fondyer Syrra Tim Smit – pennweythresek Andy Jasper, hag ynwedh Dr Jo Elworthy, onan a’n kynsa arvedhesigoryon Ragdres Eden.
Johns a ober lemmyn rag Trest Sensys, hag a ober orth ragdresow hag a wellha hedhadowder ha dalghuster yn tylleryow yn mes.
Pennweythresek Eden, Andy Jasper y hanow, a leveris bos hwedhel Rosie dynyansek.

TRANSLATION
The Eden Project said it has now had 25 million visitors since it opened in 2001, and to mark its 25th anniversary it invited back one of the earliest people to walk through its doors.
Rosie Johns first visited during the construction of the now iconic biomes as an eight year-old and said the experience had helped spark her interest in nature and has shaped so much of her life.
To mark the anniversary occasion, Johns met co-founder Sir Tim Smit, chief executive Andy Jasper and Dr Jo Elworthy, one of the first employees of the Eden Project.
Johns now works for the Sensory Trust and works on projects which improve accessibility and inclusion in outdoor environments.
Eden's chief executive Andy Jasper said that Rosie's story is fascinating.

Pic: St Buryan by beechbuoy.