Cerdd Rydd Tywysogion.

Cerdd Rydd mewn mydr ac odl (heb fod dros 18 llinell):

Troi a Throsi

Cerdd rydd neu fydr ac odl (heb fod dros 18 llinell): Troi a Throsi.

“Melys cwsg potes maip”,
ac fe gysgaf i fel babi blwydd,
tan fy larwm
Cyfnasau fy nghydwybod yn dynn a llyfn.

Ac eto mae tamaid ohonaf,
yn fy moreuau trefnus, gwâr,
yn hiraethu am y cwsg anesmwyth,
a’r pigiadau ofn trwy’r gobennydd
a dystiai fy mod, y diwrnod cynt,
wedi gwneud rhywbeth.

Sian Northey

9.5

Cyfanswm Marciau'r Tywysogion: 55